புதுச்சேரி: புதுச்சேரியில் பெண்களுக்கு ஆபாச வீடியோ அனுப்பிய மதபோதகரை சைபர் கிரைம் போலீசார் கைது செய்தனர். புதுச்சேரி திருக்கனூரை பகுதியை சேர்ந்த பெண் ஒருவருக்கு கடந்த சில நாட்களாக அறிமுகம் இல்லாத நம்பரில் இருந்து ஆபாச வீடியோ மற்றும் குறுஞ்செய்தி வந்தது. இதையடுத்து அந்த பெண், புதுச்சேரி இணைய வழி காவல் நிலையத்தில் புகார் கொடுத்தார். இது குறித்து போலீசார் வழக்கு பதிந்து தீவிர விசாரணை மேற்கொண்டனர். அதில் சம்பந்தப்பட்ட நபரின் இருப்பிடம் தெரிந்தது.

இதுதொடர்பாக புதுச்சேரி முத்தியால்பேட்டை பகுதியை சேர்ந்த வேலு (எ) இம்மானுவேல் (எ) ராஜேஷ் (46) என்பவரை சைபர் கிரைம் போலீசார் நேற்று பிடித்து விசாரித்தனர். அதில் அவர், மதபோதகர் என தெரியவந்தது. அவரிடம் இருந்த செல்போனை பறிமுதல் செய்து, விசாரணை மேற்கொண்டதில், திருக்கனூர் பெண்ணிற்கு ஆபாச புகைப்படம் அனுப்பியது அவர் தான் என்பதும், மேலும் சில பெண்களுக்கு இதுபோல் ஆபாச மெசேஜ்களும், வீடியோக்களும் அனுப்பியதும் தெரியவந்தது. இதையடுத்து அவரை போலீசார் கைது செய்து புதுச்சேரி கோர்ட்டில் ஆஜர்படுத்தி காலாப்பட்டு மத்திய சிறையில் அடைத்தனர்.

The post பெண்களுக்கு ஆபாச வீடியோ அனுப்பிய மதபோதகர் கைது appeared first on Dinakaran.