(29.1.2026 முதல் 4.2.2026 வரை)

சாதகங்கள்: தன குடும்ப அதிபதி செவ்வாய் உச்சம் பெற்று இருப்பது யோகம்தான். பணம் கையில் தங்கும். வீடு மனை முதலிய விஷயங்களில் முதலீடுகள் சிறப்பாக இருக்கும். பெற்றோர்கள் ஆரோக்கியம் அதிகரிக்கும். வெளிநாடு தூரதேசப் பயணங்கள் பலன் தரும். உற்சாகமான தகவல் வந்து சேரும். ஆடம்பரப் பொருள்கள் வாங்கும் யோகம் உண்டு. சிலர் வீடு பழுது பார்ப்பார்கள் அல்லது மாற்றுவார்கள். பங்குதாரர்கள் சுமுகமாகி தொழில் புதிய திருப்பங்களில் நகரும். திருமணம் போன்ற சுப காரியங்கள் நடக்கும்.

கவனம் தேவை: ராசிநாதன் நாலில் அமர்ந்திருக்கின்றார். அர்த்தாஷ்டமாக இருப்பது சில ஆரோக்கியப் பிரச்னைகளையும் தரலாம். நீண்ட கால நோய்களால் சிரமங்கள் அதிகரிக்கும். உடம்பில் கொழுப்பு கட்டிகள், நீர்க்கட்டிகளால் பிரச்னைகள் உண்டு. கொலஸ்ட்ரால் பிரச்னை அதிகரிக்கும். இடமாற்றம், பதவி மாற்றம் உண்டு. அது நீங்கள் விரும்பாதபடி அமைவதால், மன உளைச்சல் ஏற்படும். 12ஆம் இடம் பலவீனமாக இருப்பதால், தூக்கம் கெடும்.

பரிகாரம்: வயதானவர்களுக்கு இயன்ற உதவிகளைச் செய்யுங்கள்.