(20.6.2026 முதல் 26.6.2026 வரை)

சாதகங்கள்: லாபாதிபதி சனி ராசியில் இருக்கிறார். ஏழரைச் சனி என்றாலும் சில ஏற்றங்கள் உண்டு. காரணம் ராசிநாதன் வெற்றி ஸ்தானாதிபதி சுக்கிரனோடு இணைந்து பஞ்சம ஸ்தானத்தில் இருந்து உங்கள் ராசியைப் பார்ப்பதால் ராசியின் பலம் அதிகரிக்கிறது. சனியின் தோஷம் குறைகிறது. ஆறில் உள்ள கேதுவும், மூன்றில் உள்ள செவ்வாயும் உங்கள் முன்னேற்றத்தை அடுத்த நிலைக்கு நகர்த்துவார்கள். தன்னம்பிக்கையையும் தைரியத்தையும் தருவார்கள். புதிய ஒப்பந்தங்கள் கிடைக்கும். பூர்விகச் சொத்துப் பிரச்னைகள் முடிவுக்கு வரும். பிள்ளைகளால் இருந்து வந்த வீண் செலவுகள், அலைச்சல்கள் குறையும். உத்தியோகத்தில் மேலதிகாரிகளால் பாராட்டப்படுவீர்கள். ஊதிய உயர்வும் உத்தியோக உயர்வும் கிடைக்கும் வாய்ப்பு உண்டு.

கவனம் தேவை: விரய ஸ்தானத்தில் ராகு, சுகஸ்தானத்தில் சூரியன் புதன் என சாதகமின்றி இருப்பதால், எந்த விஷயத்தையும். உணர்ச்சி வசப்பட வேண்டாம். வேகமாக பொறுமையின்றி அணுகினால் சிரமங்கள் ஏற்படும். மருத்துவச் செலவுகள் அதிகரிக்கும். வெளியில் சொல்ல முடியாத விஷயம் மனதில் தவித்துக் கொண்டிருக்கும். 12-ல் ராகுவும், ராசியில் இருட்டு கிரகமாகிய சனியும் இருப்பதால், எல்லா விஷயங்களிலும் அவ்வப்பொழுது குழப்பங்கள் தலை தூக்கவே செய்யும். நிதானித்து கவனித்துச் செய்தால் வெற்றி கிடைக்கும்.

சந்திராஷ்டமம்: 24.6.2026 காலை 12.54 முதல் 26.6.2026 இரவு வரை சந்திராஷ்டமம் நீடிக்கிறது.

பரிகாரம்: முருகப் பெருமானை முழு மனதோடு வணங்குங்கள்.