21.11.2024 முதல் 27.11.2024 வரை

சாதகங்கள்: தன குடும்ப அதிபதி புதன் ஏழாம் இடத்தில் புத ஆதித்ய யோகம் பெற்று அமர்ந்து, இரண்டாம் இடத்தைப் பார்வையிடுவதும், மூன்றாம் இடத்தில் செவ்வாய் அமர்ந்திருப்பதும், பதினோராம் இடத்தில் ராகு இருப்பதும் சிறப்பான அமைப்புகள். நீங்கள் எதிர்பார்த்த எண்ணங்கள் ஈடேறும். தன்னம்பிக்கையோடு முன்னேறுவீர்கள். சகோதரர்கள் உதவுவார்கள். புது முயற்சிகள் வெற்றி அடையும். புதிய பங்குதாரர்கள் இணைவார்கள். விருந்து கேளிக்கை முதலிய விஷயங்களால் சந்தோஷம் ஏற்படும்.

கவனம் தேவை: சகோதர காரகனாகிய செவ்வாய் நீச்சம் அடைவதால், உடன்பிறப்புகள் விஷயத்தில் எச்சரிக்கை தேவை. ஐந்தாம் இடத்தில் கேது இருப்பதால் பிள்ளைகள் விஷயத்தில் கவனத்தோடு இருக்க வேண்டும். ஏழாம் இடத்தில் உள்ள சூரியன் அதிகப் பிரயாணத்தையும் தேவையற்ற அலைச்சல்களையும் தருவார். சுபச் செயல்கள் கடைசி நேரத்தில் தள்ளிப் போகும் வாய்ப்பும் உண்டு.

பரிகாரம்: சனிக்கிழமை தோறும் பெருமாள் கோயிலுக்குச் சென்று அர்ச்சனை செய்து வாருங்கள். நன்மை ஏற்படும்.