(29.1.2026 முதல் 4.2.2026 வரை)

சாதகங்கள்: மன நிம்மதி உண்டு. தொழில் முயற்சிகள் வெற்றி பெறும். சிலர் புதிய தொழில்களைத் தொடங்குவார்கள். பங்குதாரர்கள் ஒத்துழைப்பார்கள். வெளிநாட்டு முயற்சி வெற்றி பெறும். குழந்தைகளின் வளர்ச்சி குறித்த முன்னேற்பாடுகள் திருப்தியாக இருக்கும். சிலர் சொந்த வீடு வாங்குவார்கள் அல்லது சொந்த வீட்டுக்குக் குடிபோவார்கள். இரண்டில் உள்ள சுக்கிரன், நல்ல யோகத்தைக் கொடுப்பான். குடும்பத்தில் மகிழ்ச்சி உண்டு. பயணங்களால் பலன் உண்டு. மூன்றில் உள்ள ராகுவால், வெற்றி வாய்ப்புகள் அதிகரிக்கும். விற்பனையில் இருந்த மந்த நிலை மாறி, உற்சாகம் கிடைக்கும்.

கவனம் தேவை: ராசிநாதன் ஏழில் இருந்தாலும், வக்ரமாக இருந்து ராசியைப் பார்க்கிறார் என்பதை மறந்துவிட வேண்டாம். சில நேரங்களில், நேர் மாறாக முடிவெடுப்பீர்கள். அவசரப்பட்டு முடிவெடுப்பீர்கள். கடைசி நேரத்தில் முடிவுகளை மாற்றி அவஸ்தைப் படுவீர்கள். வருமானம் அதிகரித்தாலும், அதற்கேற்ற செலவுகள் அதிகரிக்கும். கவனமாக யோசித்துச் செலவு செய்யுங்கள். தேவையற்ற பேச்சுக்களில் நேரத்தை செலவிட வேண்டாம்.

சந்திராஷ்டமம்: 31.1.2026 இரவு 8.02 முதல் 2.2.2026 இரவு 10.48 வரை சந்திராஷ்டமம் உண்டு. பேச்சில் கவனமாக இருக்கவும். வாதப்பிரதிவாதங்களில் ஈடுபடவேண்டாம்.

பரிகாரம்: விநாயகப் பெருமானை மனதில் நினைத்துக் கொள்ளுங்கள்.