7.5.2026 முதல் 13.5.2026 வரை

சாதகங்கள்: ராசியில் குரு பகவான் அமர்ந்து, ராசிநாதன் புதன் 12ல் மறைந்துள்ளார். ஜென்ம குரு சில சிக்கல்களைத் தந்தாலும், 7ம் இடத்தைப் பார்ப்பதால் சுப காரியங்கள் தடையின்றி நடக்கும். பெரியோர்களின் ஆசி கிடைக்கும். ஆன்மிக நாட்டம் அதிகரிக்கும். லாபஸ்தானத்தில் சூரியன் – செவ்வாய் இருப்பதால் எதிர்பாராத பண லாபம் மற்றும் சொத்து சேர்க்கை உண்டாகும். சூரியன் லாபஸ்தானத்தில் இருக்கின்றார். தைரியஸ்தானத்துக்கு உரியவர் லாபஸ்தானத்தில் இருப்பதால் உங்கள் தைரியமான முயற்சிகள் பலிக்கும். ராகு 9ஆம் பாவத்தில் இருப்பதால் வெளிநாடு, உயர்கல்வி, புதிய தத்துவ சிந்தனை அதிகரிக்கும்; புதிய நண்பர்கள் தொடர்புகள் மூலம் முன்னேற்றம் கிடைக்கும்.

கவனம் தேவை: புதன் 12ல் இருப்பதால் சில நேரங்களில் சரியான முடிவெடுக்கத் தடுமாற்றம் ஏற்படும். ஞாபக மறதி அல்லது ஆவணங்களில் கவனக்குறைவு ஏற்படலாம். ராசியில் குரு இருக்கின்றார். சனியின் பார்வை சுகஸ்தானத்திலும் சப்தமஸ்தானத்திலும் விழுவதால் நண்பர்களால் சங்கடங்கள் வரலாம். பொது வாழ்வில் ஈடுபட்டு இருப்பவர்களுக்கு ஏமாற்றங்கள் ஏற்படும்.

சந்திராஷ்டமம்: 8.5.2026 அதிகாலை 1.26 முதல் 10.5.2026 பகல் 12.13 வரை சந்திராஷ்டமம் உண்டு. பேச்சில் கவனமாக இருக்கவும். வாதப்பிரதிவாதங்களில் ஈடுபடவேண்டாம்.

பரிகாரம்: பெருமாளை வணங்குங்கள் விஷ்ணுசஹஸ்ரநாம ஜபம் மன நிலையை சீராக்கும்.