(20.6.2026 முதல் 26.6.2026 வரை)

சாதகங்கள்: ராசிநாதன் செவ்வாய் தன குடும்ப ஸ்தானத்தில் இருப்பது சிறப்பு. அவர் ஏழாம் பார்வையாக தனது சொந்த ராசியையே பார்க்கிறார். மூன்றாம் இடத்தில் சூரியன் இருப்பதும், புதன் இணைந்திருப்பதும் யோக அமைப்பைத் தரும். ஒப்பந்தங்கள் ஊர்ஜிதமாகும். தற்காலிக வேலையில் உள்ளவர்களுக்கு பணி நிரந்தரம் ஆகும் வாய்ப்பு உண்டு. வியாபாரத்தில் நல்ல லாபம் கிடைக்கும். ராகு பகவான் பலமாக இருப்பதால் சேமிப்பு அதிகரிக்கும். குடும்பத்தில் சில முக்கியமான பொருட்களை வாங்குவதன் மூலமாக மகிழ்ச்சி நிலவும். சுபகாரியங்கள் தடையின்றி நடக்கும்.

கவனம் தேவை: இதில் முக்கியமாக கவனிக்க வேண்டியது 12-ஆம் இடத்தில் சனி பகவான் இருப்பதால் செலவுகள் அதிகரிக்கும். நான்கில் அர்த்தாஷ்டம குரு இருப்பதால் தாயின் உடல்நிலையில் கவனம் தேவை. தேவ குருவும் அசுர குருவும் சேர்ந்திருக்கிறார்கள். எதிர்பாராத மாற்றங்கள் ஏற்படலாம். சனி மூன்றாம் பார்வையாக செவ்வாயைப் பார்க்க, செவ்வாய் எட்டாம் இடத்தைப் பார்ப்பதால் வண்டி வாகனங்களில் செல்லும்போது மிகமிக ஜாக்கிரதையாகச் செல்ல வேண்டும். தலையில் அடிபடும் வாய்ப்பு உண்டு. கவனம் கவனம்.

பரிகாரம்: மகாலட்சுமியை வணங்குங்கள். மகத்தான வாழ்வு கிடைக்கும்.