30.4.2026 முதல் 6.5.2026 வரை

சாதகங்கள்: பூர்வ புண்ணிய ஸ்தான அதிபதி சூரியன் சுக்கிரனுடைய நட்சத்திரமான பரணி நட்சத்திரத்தில் இருக்கின்றார். 2, 7க்குரியவன் நட்சத்திரத்தில் சூரியன் அமர்ந்து துலா ராசியைப் பார்ப்பதால், மனதில் தன்னம்பிக்கை அதிகரிக்கும். புதன்கூட இருந்து யோகத்தை ஏற்படுத்துவதால், பேச்சில் புத்திசாலித்தனமும் வெளிப்படும். இல்லறத்தில் இனிமை சேரும். தன்னம்பிக்கை, தலைமைத்துவம், அரசாங்க ஆதரவு கிடைக்கும். சுக்கிரன் 2ல் இருப்பதால், பொருளாதாரத்தில் சிரமம் இருப்பதற்கு வழியில்லை. கூடுதல் வருமானத்திற்கும் வழிபிறக்கும். 11ல் ராகு இருப்பதால், எதிர்பாராத லாபங்கள் கிடைக்கும், லாபஸ்தானத்தினை குரு பார்ப்பதால், தொழில் வியாபார லாபம் நன்றாகவே இருக்கும்.

கவனம் தேவை: கோபத்தைக் கட்டுப்படுத்த வேண்டும். எதிலும் திடீர் முடிவுகளை எடுக்க வேண்டாம். 12ஆம் பாவத்தில் சனி – செவ்வாய் இருப்பது வேண்டாத
பிரச்னைகளை எல்லாம் வீட்டுக்குள் வரவழைக்கும்.

சந்திராஷ்டமம்: 3.5.2026 காலை 12.30 முதல் 5.5.2026 இரவு 12.54 வரை சந்திராஷ்டமம் உண்டு. பேச்சில் கவனமாக இருக்கவும். வாதப்பிரதிவாதங்களில் ஈடுபடவேண்டாம்.

பரிகாரம்: ஞாயிற்றுக் கிழமைகளில் ஆதித்யஹிருதயம் பாராயணம் செய்வது நல்ல பலனை தரும்.