19.3.2026 முதல் 25.3.2026 வரை

சாதகங்கள்: தன குடும்ப அதிபதி குரு ஐந்தாம் இடத்தில் வக்ர நிவர்த்தி பெறுவது மிக மிகச் சிறப்பு. பொருளாதாரத்தில் எதிர்பார்க்காத மேன்மை கிடைக்கும். அதிலும் குரு பலம் பெற்று உங்கள் ராசியைப் பார்ப்பதால், உங்கள் எண்ணங்களில் புதுப்பொலிவு தோன்றும் வெகு நாளாகச் செய்ய விரும்பி தள்ளிப்போன முயற்சிகளை இப்போது செய்யத் தொடங்கி விடுவீர்கள். உங்கள் திறமைக்கு உரிய அங்கீகாரமும் மதிப்பும் அதிகரிக்கும். பொது வாழ்வில் உள்ளவர்கள் புதிய பதவிகளைப் பெறுவார்கள். ஏமாற்றங்கள் மாறும். ஆலய வழிபாடு செய்து மனமகிழ்ச்சி அடைவீர்கள். விருந்தினர்களை உபசரித்து மகிழ்வீர்கள். புதிதாக வீடு கட்டிக் குடியேற வேண்டும் என்ற எண்ணம் பலிக்கும். சுபகாரிய நிகழ்வுகள் நடைபெறும்.

கவனம்தேவை: ராசியில் ராகுவும் செவ்வாயும் இணைந்து ஏழாம் இடத்தைப் பார்ப்பதால் வாழ்க்கைத் துணைவரின் உடல் நலத்தில் கவனம் செலுத்தவும். நண்பர்களிடமும் பங்குதாரர்களிடம் கவனத்துடன் இருக்கவும். கருத்து வேறுபாடு ஏற்படும் வாய்ப்பு உண்டு. கணவன் மனைவி ஒற்றுமைக்கு மூன்றாம் மனிதர்களால் பிரச்னைகள் வரலாம்.

பரிகாரம்: அன்னதானம் செய்வதற்கு இயன்ற பொருளுதவி செய்யுங்கள்.