30.04.2026 முதல் 6.5.2026 வரை

சாதகங்கள்: ராசியில் ராகு இருந்தாலும், பூர்வ புண்ணிய இடத்தில இருந்து குரு அவரைப் பார்ப்பதால், ராகு கட்டுப்படுத்தப்படுவார். எனவே நீங்கள் எந்த விஷயத்திலும் ஜாக்கிரதையாக இருந்தால் பெரிய பிரச்னைகள் வராது. பேச்சுத்திறன் அபாரமாக இருக்கும். பிறர் நம்பும்படியாக இருக்கும், துணிச்சல் அதிகரிக்கும். தகவல் தொடர்புகளால் நல்ல முன்னேற்றம் கிடைக்கும். அதை வளர்த்துக் கொள்ளுங்கள். மூன்றாம் இடத்தில் சூரியனோடு புதன் இருந்து யோகத்தை ஏற்படுத்துகின்றார். பேச்சிற்குச் சமூகம் மதிப்பளிக்கும். குறுகிய தூரப் பயணங்கள் லாபம் தரும். 4ல் சுக்கிரன் இருப்பதால், சுகபோக வசதிகள் பெருகும்.

கவனம் தேவை: பேச்சைக் குறிப்பிடும் இரண்டாம் இடத்தில், செவ்வாயும் சனியும் இணைந்து எட்டாம் இடத்தைப் பார்ப்பதால், தேவையற்ற பேச்சினால் வாக்குவாதம் வளர்ந்து மன அழுத்தம் ஏற்பட வாய்ப்புண்டு. சகோதர உறவுகளுடன் எச்சரிக்கையாக இருக்க வேண்டும். கேது 7ஆம் பாவத்தில் இருப்பதால், குடும்ப விஷயங்களில் பிடிப்பின்மை இருக்கும். கோபத்தைக் குறைப்பது அவசியம். சுக்கிரன் மீது சனியின் பார்வை இருப்பதால், கணவன் – மனைவி இடையே விட்டுக் கொடுத்துப் போவது நல்லது.

சந்திராஷ்டமம்: 28.4.2026 காலை 3.36 முதல் 30.4.2026 பகல் 1.14 வரை சந்திராஷ்டமம் உண்டு. பேச்சில் கவனமாக இருக்கவும். வாதப்பிரதிவாதங்களில் ஈடுபடவேண்டாம்.

பரிகாரம்: கருப்பு உடை தானம் தரலாம். வெள்ளிக் கிழமை கோபூஜை செய்யுங்கள்.