(20.6.2026 முதல் 26.6.2026 வரை)

சாதகங்கள்: ஆறில் அதிர்ஷ்ட ராகு அமர்ந்திருக்கிறார். ராசி அதிபன் ஆட்சி பெற்றிருக்கிறார். லாப ஸ்தானத்தில் சுக்கிரன் – குரு இணைந்திருக்கிறார்கள். பாக்கியஸ்தானத்தில் செவ்வாய் இருக்கிறார். இத்தனை சாதகங்கள் உங்களுக்கு இருக்கிறது. நிதி வளம் பெருகும். உற்சாகத்தோடு செயல்படுவீர்கள். உயர் அதிகாரிகள் உங்களை பாராட்டுவார்கள். உத்தியோக உயர்வும், சம்பள உயர்வும் கிடைக்கும் வாய்ப்பு உண்டு. வீடு மனைகளால் லாபம் உண்டு. குடும்பத்தில் சுப சம்பவங்கள் நடைபெறும். துணிவும் தன்னம்பிக்கையும் அதிகரிக்கும். அரசு சம்பந்தப்பட்ட வேலைகள் எளிதாக முடியும். பிள்ளைகள் வழியில் சுபச் செய்திகள் வரும்.

கவனம்தேவை: ஏழாம் இடத்தில் சனி இருப்பதால் உடல் சோர்வு மற்றும் காரியத் தாமதங்கள் வரலாம். குடும்ப உறவுகளின் கருத்து வேறுபாடுகள் ஏற்படலாம் தூக்கம் குறையலாம் மனதில் ஒரு விதமான அழுத்தமும் பயமும் இருந்து கொண்டே இருக்கும் காரணம் 12-ல் கேது அமர்ந்திருக்கிறார். உணவு விஷயத்தில் மிகுந்த கவனம் தேவை. அகாலத்தில் உணவு உட்கொள்ள வேண்டாம். வயிற்று வலி முதலிய பிரச்னைகள் வரலாம்.

பரிகாரம்: முருகப்பெருமானை வணங்கவும். சனிக்கு எள் எண்ணெய் தீபம் ஏற்றவும்.