(20.6.2026 முதல் 26.6.2026 வரை)

சாதகங்கள்: ராசிக்கு உரிய சூரியன் லாப ஸ்தானத்தில் புதனோடு இணைந் திருக்கிறார். புதன் ஆட்சி பெற்றிருக்கிறார். இந்த அமைப்பு ஒன்றே இந்த வாரம் முழுவதும் ஜாதகரை தூக்கி நிறுத்தும். சுக பாக்யாதிபதியான செவ்வாய் தொழில் ஸ்தானத்திற்கு வருவதால், தொழிலில் ஏற்றம் உண்டு. கூட்டுத் தொழிலில் புதிய பங்குதாரர்கள் சேர்வார்கள். உத்தியோகத்தில் புதிய பொறுப்புகள் கிடைக்கும். பன்னிரண்டாம் இடத்தில் சுக்கிரன் இருப்பதால், சரியான இடத்தில் கடன் பெற்று நிம்மதியாக இருப்பீர்கள். சூரியன் லாப ஸ்தானத்தில் இருப்பதால் அரசாங்க உதவிகள் கிடைக்கும். காரியம் கைகூடும் முக்கியஸ்தர்களின் சந்திப்பு நிகழும். வெளிநாடு வெளியூர்களில் இருந்து நல்ல செய்தி கிடைக்கும். மேலதிகாரிகளின் ஒத்துழைப்பு கிடைக்கும்.

கவனம் தேவை: பன்னிரண்டாம் இடத்தில் குரு இருப்பதால் சில முக்கி யமான சுபச் செலவுகளுக்கு கடன் வாங்கி செலவு செய்வீர்கள். குடும்பத்தில் விட்டுக்கொடுத்துச் செல்ல வேண்டும். ராசியில் கேதுவும் ஏழில் ராகுவும் அமர்ந்திருப்பதால் குடும்ப உறவுகளின் கவனம் தேவை. அதோடு அஷ்டமச் சனியும் நடைபெறுவதால் ஆரோக்கிய விஷயத்தில் எச்சரிக்கையோடு இருக்க வேண்டும் வெளியில் சொல்ல முடியாத மனக்கஷ்டங்கள் உள்ளத்தில் இருந்து கொண்டே இருக்கும்.

பரிகாரம்: குலதெய்வ வழிபாடு இஷ்ட தெய்வ வழிபாடு மிகவும் முக்கியம்.