7.5.2026 முதல் 13.5.2026 வரை

சாதகங்கள்: சூரியன் (அரசன்) மற்றும் செவ்வாய் (தளபதி) ஆகிய இருவரும் நெருப்பு ராசியான மேஷத்தில் இணையும்போது, அது ஒரு எரிமலையைப் போன்ற வீரியத்தை ஜாதகருக்கு அளிக்கிறது. அரசியலில் இருப்பவர்களுக்கும், அரசுத் துறையில் உயர் பதவியில் இருப்பவர்களுக்கும் இந்த யோகம் பெரும் புகழையும் அதிகாரத்தையும் தரும். செயல்களில் வேகம் இருக்கும். நினைத்த காரியத்தை பிடிவாதமாக முடித்துக் காட்டுவார்கள். அரசு வழியில் ஆதாயம் உண்டாகும். நிர்வாகத் திறமை கூடும். சுக்கிரன் 2ல் இருப்பதால் பணவரவு திருப்திகரமாக இருக்கும். கூடுதல் வருமானத்திற்கும் வழி பிறக்கும். 11ல் ராகு இருப்பதால் எதிர்பாராத லாபங்கள் கிடைக்கும், லாபஸ்தானத்தினை குரு பார்ப்பதால் தொழில் வியாபார லாபம் நன்றாகவே இருக்கும்.

கவனம் தேவை: ராசியில் சூரியன் – செவ்வாய் இணைவதால் முன்கோபம் தலைதூக்கும். உடல் சூடு சம்பந்தமான உபாதைகள் வரலாம். தேவையற்ற பிடிவாதத்தைத் தவிர்ப்பது
நல்லது. திடீர் முடிவுகளை எடுக்க வேண்டாம். 12ஆம் பாவத்தில் சனி இருப்பது பிரச்னைகளை வரவழைக்கும். வெயிலில் அலைய வேண்டாம்.

பரிகாரம்: ஞாயிற்றுக் கிழமைகளில் ஆதித்ய ஹிருதயம் பாராயணம் செய்வது நல்ல பலனைத் தரும்.