12.3.2026 முதல் 18.3.2026 வரை

சாதகங்கள்: குரு பாக்கியஸ்தானத்தில் பலத்தோடு இருப்பதும் ராசியைப் பார்ப்பதும் சிறப்பு. இதனால் ராசியின் பலம் அதிகரிக்கிறது. குருவின் வீட்டில் (மீனம்) ராசிநாதன் உச்சம் பெறுவதும் சிறப்பு. நிலையான வருமானமும் திருப்தியான வருமானமும் கைகூடும். பழைய கடன்கள் அடைபடும். பூர்வ புண்ணிய ஸ்தானத்தில் ராகு செவ்வாய் இருப்பதால் வீடு வாசல் யோகம் உண்டு. வாழ்க்கைத் துணைக்கு வேலையில்லாமல் இருந்தால் வேலை கிடைத்துவிடும். ஆடை ஆபரணச் சேர்க்கை உண்டு. வெளிநாட்டில் பணிபுரியும் வாய்ப்புக்காகக் காத்திருப்பவர்களுக்கு அதற்கான வாசல் திறக்கும். புதிதாக வேலை தேடுபவர்களுக்கு வேலை கிடைக்கும். 11-ஆம் இடத்தில் கேது உங்களுக்கு சகல நன்மைகளையும் தருவார்.

கவனம்தேவை: பணிச்சுமை அதிகரிக்கும். எதிர்பாராத செலவுகள் உண்டு. முக்கிய முடிவுகளை அவசரப்படாமல் எடுக்கவும். தூக்கமின்மை மன அழுத்தம் பணிச்சுமை அதிகரிக்கும். வீடு/வாகனம் தொடர்பாக எதிர்பாராத சிறிய செலவுகள் ஏற்படலாம். பொறுமையும் சமநிலையும் முக்கியம். பிள்ளைகள் விஷயத்தில் அதிக கவனம் தேவை.

பரிகாரம்: லட்சுமி நரசிம்மரை வணங்குங்கள்.