12.3.2026 முதல் 18.3.2026 வரை
சாதகங்கள்: சுகாதிபதி சூரியன் லாப ஸ்தானத்துக்கு வந்துவிட்டார். அரசாங்க காரியங்களில் உள்ள சிக்கல்கள் அகலும். போட்டித் தேர்வுகளில் வெற்றி கிடைக்கும். மேலதிகாரிகளோடு சுமுகமான உறவு நிலவும். தன ஸ்தானத்தில் குரு இருப்பதாலும் 11-ஆம் இடத்தில் ராசிநாதன் சுக்கிரன் உச்சமடைந்து இருப்பதாலும் பணப் பிரச்னைகள் வருவதற்கு வழி இல்லை. குடும்ப நிலைமை நன்றாகவே இருக்கும். தொழில் விஸ்தரிப்பு முயற்சிகள் கை கூடும். பயணங்கள் பலன் தரும். குரு ஆறாம் இடத்தைப் பார்ப்பதால் பகை மாறும். நட்பு வளரும். சகோதரர்களால் உதவி உண்டு. வீடுமனை வாங்கும் யோகமும் கை கொடுக்கும். கணவன்- மனைவி உறவுகள் நன்றாகவே இருக்கும். சுப நிகழ்ச்சிகள் வீட்டில் நடைபெறும் வாய்ப்பு உண்டு. கலைத்துறையிலும் இசைத்துறையிலும் பணியாற்றுபவர்களுக்கு புதிய வாய்ப்புகள் கிடைக்கலாம்.
கவனம் தேவை: சுகஸ்தானத்தில் கேது இருப்பதால் தாயார் உடல்நிலையில் கவனம் தேவை. திடீர் இடமாற்றங்கள் நிகழலாம். குறிப்பாக நீங்கள் விரும்பாத இடத்தில் பணி மாற்றங்களும் ஏற்படலாம்.
சந்திராஷ்டமம்: 11.3.2026 இரவு 10.00 முதல் 14.3.2026 காலை 9.33 வரை சந்திராஷ்டமம் உண்டு.
பரிகாரம்: வெள்ளிக்கிழமை மகாலட்சுமி வழிபாடு செய்யுங்கள்.
