(20.6.2026 முதல் 26.6.2026 வரை)
சாதகங்கள்: ராசிநாதன் செவ்வாய் ஏழில் அமர்ந்து ராசியைப் பார்ப்பது சிறப்பு. பாக்கியஸ்தானத்தில் இரண்டு சுப கிரகங்கள். குருவின் பார்வை ராசியில் விழுகிறது. ராசி பலமாக இருப்பதால் எதையும் எதிர்கொள்ளும் திறன் அதிகரிக்கும். செயல்களில் கம்பீரம் இருக்கும். உடன் பிறந்தவர் களின் ஆதரவு கிட்டும்.இரண்டு, ஐந்துக்கு உரியவர் பாக்கியம் ஏறி இருப்பதால், பொருளாதாரத்தில் கஷ்டம் இருக்காது. வரவேண்டிய பணம் வந்து விடும். தரவேண்டிய பணமும் நல்ல முறையில் செட்டில் ஆகிவிடும். தொழிலில் ஏற்றம் உண்டு. லாபம் உண்டு. இல்லத்தில் சுப நிகழ்ச்சிகள் நடக்கும் வாய்ப்பு உண்டு.
கவனம்தேவை: அர்த்தாஷ்டம ராகுவும், ஐந்தாம் இடத்தில் சனியும், குடும்பத்திலும், பிள்ளைகள் விசயத்திலும் சில பிரச்னையை தரவே செய்வார்கள். அஷ்டமச் சூரியனும் புதனும் இணைந்து இருப்பதால், எந்தக் காரியங்களையும் யோசித்துச் செய்ய வேண்டும் அவசரப்பட்டு முடிவு எடுக்க வேண்டாம். தந்தையாருக்கு மருத்துவச் செலவுகள் அதிகரிக்கும். சில முடிவுகள் தவறாகப் போய்விடும் வாய்ப்பு அதிகம். ஆரோக்கியப் பிரச்னையை அலட்சியப்படுத்த வேண்டாம்.
பரிகாரம்: சிவனையும் அம்பாளையும் வணங்கி பிரகாரம் வலம் வரவும். ஏழைகளுக்கு இயன்ற உதவி செய்யுங்கள்.
