(24.4.2025 முதல் 30.4.2025 வரை)
சாதகங்கள்: ராசிநாதன் விரைவில் நான்காம் இடத்திற்கு நகர இருக்கின்றார். ஜன்ம ராகு விலகிவிட்டது. ராசியில் சுக்கிரன் பரிவர்த்தனை யோகத்தில் அமர்ந்து நன்மை செய்கிறார். குருவின் பார்வை லாபஸ்தானத்தில் விழுவதால், தொழிலில் லாபம் கிடைக்கும். வேலை உத்தியோகத்தில் முன்னேற்றம் உண்டு. சப்தம ஸ்தானம் குருவின் பார்வையில் இருப்பதாலும், அங்கு கேது விலகி விட்டதாலும், கணவன் மனைவி உறவுகள் கருத்து வேறுபாடுகள் மறைந்து புதிய மகிழ்ச்சி பிறக்க வாய்ப்புண்டு. பயன்படுத்திக் கொள்ள வேண்டும்.
கவனம் தேவை: 12-ல் சனி ராகு இருப்பதாலும், செவ்வாயின் பார்வை விழுவதாலும் வாகனங்களில் செல்லும் பொழுது மிகுந்த கவனம் தேவை. இரவுப் பயணத்தை தவிர்க்கவும். தேவையற்ற அலைச்சல்களை குறைத்துக் கொள்ளவும். உடல் ஆரோக்கியம் சீராக வைத்துக் கொள்ள வேண்டும்.
பரிகாரம்: முதியவர்களுக்கு உதவி செய்யுங்கள். சனிக் கிழமை அனுமன் ஆலயத்திற்குச் சென்று வணங்கி வாருங்கள். துன்பங்கள் குறையும்.
