30.04.2026 முதல் 6.5.2026 வரை
சாதகங்கள்: ராசிநாதன் குரு ஏழிலிருந்து ராசியைப் பார்ப்பது சிறப்பு. மூன்றில் ராகு இருப்பதும், வெற்றிகரமான அமைப்பு. பாக்யாதிபதி சூரியன் பூர்வ புண்ணிய ஸ்தானத்தில் இருப்பதும் சிறப்புதான். பிள்ளைகளின் மூலம் மகிழ்ச்சி இருக்கும். புத்திசாலித்தனமான முதலீடுகள் செய்யலாம். ஆறில் சுக்கிரன் இருப்பதால், கடன் பிரச்னைகள் குறையத் தொடங்கும். சூரியனோடு புதன் சேர்வதால், நல்ல யோகம் உண்டு. எதையும் புதுமையாகச் செய்ய வேண்டும் என நினைப்பீர்கள். 3ஆம் இட ராகு என்பதால் தகவல் தொடர்பு, பத்திரிகை துறையில் வெற்றி கிடைக்கும். கலைஞர்களுக்கு புதிய ஒப்பந்தங்கள் மூலம் ஆதாயம் கிடைக்கும்.
கவனம் தேவை: ராசிநாதன் குரு ஏழில் இருப்பது ஒரு விதத்தில் சரி என்றாலும், இன்னொரு விதத்தில் கேந்திர ஆதிபத்திய தோஷம் வந்து விடுவதால், குடும்ப உறவுகளின் இனிமை கெடலாம். கணவன் மனைவி உறவுகளில் கருத்து வேறுபாடு வரலாம். விட்டுத்தர வேண்டும். பிறருக்கு வாக்குறுதிகளைத் தரவேண்டாம். கவனச் சிதறலால் சங்கடங்கள் வரலாம். மீனத்தில் உள்ள சனி ராசிக்கு 4ல் (அர்த்தாஷ்டம சனி) இருப்பதால், தாயாரின் உடல்நலத்திலும், வண்டி வாகனப் பயணங்களிலும் கூடுதல் கவனம் தேவை.
பரிகாரம்: குரு வழிபாடு குதூகலத்தை தரும். தடைகளை நீக்கும்.
