(20.6.2026 முதல் 26.6.2026 வரை)
சாதகங்கள்: ராசிக்கு ஆறில் செவ்வாய் வெற்றியைத் தருவார். ராசிக்கு மூன்றில் உள்ள ராகு ஆற்றலையும் எதிர்ப்பை சமாளிக்கும் திறனையும் தருவார். பகை விலகும். அலுவலகத்தில் தொந்தரவு தந்தவர்களால் உங்களை அசைக்க முடியாது . ராசிநாதன் அஷ்டமத்தில் இருக்கிறாரே என்று கவலைப்பட வேண்டாம். அவர் மறைந்திருந்தாலும் கூட மறைமுகமாக நிறைந்த நன்மைகளைச் செய்வார். நேரடியாக உங்கள் குடும்ப ஸ்தானத்தைப் பார்ப்பதால், எத்தனை கசப்புகள் இருந்தாலும் கணவன், மனைவி உறவுகள் மகிழ்ச்சி அளிப்பதாகவே இருக்கும். அதை நீங்கள் உங்கள் பேச்சால் கெடுத்துக் கொள்ளக்கூடாது. போட்டித் தேர்வுகளில் வெற்றி கிடைக்கும். பயணங்களால் பலன் உண்டு, வியாபார நெருக்கடிகள் தீர்ந்து, தொழில் முன்னேற்றமாக நடக்கும்.
கவனம் தேவை: தற்சமயம் பல கிரகங்கள் சாதகமின்றி இருக்கின்றன. குறிப்பாக சுகஸ்தானத்தில் சனி, ஏழாம் இடத்தில் சூரியன், எட்டாம் இடத்தில் சுக்கிரன் குரு, ஒன்பதாம் இடத்தில் கேது என்று பலவகையிலும் குளறுபடி செய்வதற்கு கிரகங்கள் காத்திருக்கின்றன. அவசரம் வேண்டாம் உணர்ச்சி வசப்பட வேண்டாம். வயிற்று வலி தொந்தரவுகள் வரலாம். மனக்குழப்பங்கள் பிரச்னைகள் வந்து போகும். வீண் பழிகளுக்கு ஆளாக நேரும் வரவுக்கு முன் செலவு காத்திருக்கும். கவனம் தேவை.
பரிகாரம்: ஆஞ்சநேய மகா பிரபுவையும் ராமரையும் சரணடையுங்கள்.
