30.4.2026 முதல் 6.5.2026 வரை
சாதகங்கள்: தன குடும்பகாரகன் சுக்கிரன் பாக்கியத்தில் ஆட்சி பெற்று தைரியஸ்தானத்தைப் பார்ப்பதும், குரு 2ம் இடத்தையும் சுகஸ்தானத்தையும் பார்ப்பதும் மிகச் சிறந்த பலன்களைத் தரும். ஆறில் உள்ள ராகு அனுகூலமாக இருக்கும். ஆன்மிகப் பயணம் அதிகரிக்கும். கையில் காசு புழங்கும். நிதிப் பிரச்னையில் சிரமம் இருக்காது. எட்டாம் இடம் சூரியன் என்பதால், பயப்பட வேண்டியதில்லை. 12க்குரியவன் 8ல் மறைவது யோகமாகவே வேலை செய்யும். மறைமுக லாபம் உண்டு. ஆராய்ச்சித் துறைகளில் கவனம் அதிகரிக்கும். புதன் ராசிக்கு உரியவன் என்பதால், அறிவு கூர்மை அதிகரிக்கும். போட்டியில் வெற்றி கிடைக்கும்.
கவனம் தேவை: விரய ஸ்தானத்தில் கேது இருப்பதால், ஆரோக்கிய பிரச்னை ஏற்பட்டு, மருத்துவச் செலவுகள் ஏற்படலாம். தொழில் விஸ்தரிப்பு முயற்சி இப்போது வேண்டாம். பத்தாம் இடத்தில் குரு அமர்ந்திருக்கிறார். உடல் நலனில் கவனம் செலுத்துங்கள். வாகனத்தில் செல்லும் பொழுது மிகக் கவனமாகச் செல்லுங்கள். சனி செவ்வாய் இணைந்து ராசியைப் பார்ப்பதால், சில நேரங்களில் தலையில் காயம் ஏற்படலாம். விதி மீறல்கள் கண்டிப்பாகத் தவிர்க்கவும்.
பரிகாரம்: காயத்ரி ஜபம் உதவும். பச்சை பருப்பு தானம் செய்யலாம். கோயிலுக்குச் சென்று ஒரு அகல் விளக்கு ஏற்றி வாருங்கள்.
