துலாம்

(20.6.2026 முதல் 26.6.2026 வரை)

சாதகங்கள்: உப ஜெய ஸ்தானமான ஆறாம் இடத்தில் சனி அமைந்திருப்பது சாதகமான அமைப்பு. பாக்கியஸ்தானத்தில் சூரியனும் புதனும் இணைந்து யோகத்தைத் தருவார்கள். புதன் ஆட்சி பெற்றிருக்கிறார். பாக்யாதிபதி பாக்கியஸ்தானத்தில் ஆட்சி பெற்று லாபாதிபதியோடு இணைந்திருப்பது சிறப்பு. முடிக்க வேண்டிய காரியங்களை உடனே செய்து முடிப்பீர்கள். எதிர்காலத்திற்காக எடுத்த முயற்சிகள் வெற்றி பெறும். மகிழ்ச்சியைத் தரும் பதவி மாற்றம் உண்டு. பொதுவாழ்வில் உள்ளவர்கள் ஏற்றம் பெறுவார்கள். திட்டமிடாத காரியங்கள் கூட வெற்றிக்கனியைத் தரும். திருத்தல பயணங்கள் உண்டு. காரியத் தடைகள் விலகும். நீண்டநாளாக வராமலிருந்த பணம் வரும். குடும்பத்தில் உங்கள் கை ஓங்கும். கலைத்துறையினருக்கு எதிர்பார்த்த வாய்ப்புகள் தேடி வரும்.

கவனம்தேவை: அஷ்டமச் செவ்வாயை மறந்துவிட வேண்டாம். வாழ்க்கைத் துணைவரால் நலம் உண்டு என்றாலும் கூட, கருத்து வேறுபாடுகள் வரலாம். அல்லது வாழ்க்கை துணைவர் ஒருவருக்கு உடல்நலக் கோளாறு ஏற்படலாம். பிள்ளைகள் வழியில் சில செயல்களால் வருத்தப்படவைக்கும். தொழில் சம்பந்தப்பட்ட பிரச்னைகளை கையாளும் போது மிகுந்த கவனம் தேவை.

பரிகாரம்: குரு ராகவேந்திரரை வழிபடவும்.