துலாம்

(29.1.2026 முதல் 4.2.2026 வரை)

சாதகங்கள்: ராசிநாதன் சுக்கிரன் சுகஸ்தானத்தில் இருக்கிறார். சனி கிட்டத்தட்ட ஆறாம் இடத்தை நெருங்குகிறார். அதனால், சுப பலன்கள் அதிகரிக்கும். சுபகாரியத் தடைகள் விலகும். பொருளாதாரம் உயர்வு பெறும். சேமிப்பு நீடிக்கும். ஆரோக்கியப் பிரச்னைகள் குறையும். எதிர்கால அச்சம் விலகும். குருவின் பார்வையால் ராசி பலம் பெறுகிறது. சுப பலன்கள் அதிகரிக்கும். தைரியமும் புத்திசாலித்தனமும் கைகொடுக்கும். எதிர்பார்ப்பு நிறைவேறும். இடமாற்றம் விரும்பியபடி நடக்கும். வீடு கட்டும் யோகம் உண்டு. தொழில் முயற்சிகள் திருப்பு முனையைத் தரும். வணிக விரிவாக்கம் கை கொடுக்கும். எதிர்பார்த்த நன்மைகள் தடையில்லாமல் கிடைக்கும். நெருக்கடிகள் குறையும்.

கவனம் தேவை: சகோதர ஒற்றுமை குறையலாம். யாரிடமும் விரோதம் பாராட்ட வேண்டாம். சில நேரங்களில் உங்களை அறியாமலேயே பிறர் ஏமாற்றுவார்கள். அதிக வேலைப்பளு இருக்கும். ஓய்வு அவசியம். பிள்ளைகள் விஷயத்தில் கவனம் தேவை. அபிப்பிராயம் சொல்வதிலும் எச்சரிக்கையுடன் இருக்கவும். உங்கள் கருத்து தவறாகப் புரிந்து கொள்ளப்படும். அதனால் மன உளைச்சல் வரும்.

சந்திராஷ்டமம்: 27.1.2026 மாலை 4.45 முதல் 29.1.2026 மாலை 6.31 வரை சந்திராஷ்டமம் உண்டு. பேச்சில் கவனமாக இருக்கவும். வாதப்பிரதிவாதங்களில் ஈடுபடவேண்டாம்.

பரிகாரம்: காலையிலும் மாலையிலும் லட்சுமி நரசிம்மனை வணங்குங்கள்.