30.4.2026 முதல் 6.5.2026 வரை
சாதகங்கள்: குரு ராசியைப் பார்ப்பதாலும் ராசிநாதன் சுக்கிரன் சொந்த ராசியில் சந்திரன் நட்சத்திரத்தில் பலம் பெற்றிருப்பதாலும், எதிர்பாராத சுபகாரியங்கள் அல்லது நல்ல வாய்ப்புகள் மகிழ்ச்சி தரும். தன்னம்பிக்கை அதிகரிக்கும். போட்டி தேர்வுகளில் வெற்றி கிடைக்கும். பாக்யாதிபதி புதன் ராசியைப் பார்ப்பதும், நல்ல சிறப்பான பலன்களைத் தரும். துணிச்சலாகவும் வெற்றிகரமாகவும் முடிவெடுப்பீர்கள். கடன் தொல்லைகள் தீரும். வங்கி முதலிய நிறுவனங்களில் கேட்ட கடன் கிடைக்கும். தகவல் தொடர்புகள் நன்றாக இருக்கும். படைப்புகள், எழுத்து, சினிமா, மூலம் லாபம் கிடைக்கும்.
கவனம் தேவை: சனியோடு சேர்ந்த செவ்வாயின் பார்வை ராசிக்கு இருக்கிறது. உறவுகளில் கவனம் தேவை. எதையாவது பேசி வில்லங்கத்தில் மாட்டிக் கொள்ள வேண்டாம். ராசிக்கு உரியவனே அஷ்டமாதிபதி, 8ல் பலமாக இருப்பதால், நீங்களே உங்களுக்கு சோதனைகளை வரவழைத்துக் கொள்ள வேண்டாம். கேது 11ஆம் பாவத்தில் இருப்பதால், நண்பர்களிடம் எச்சரிக்கையுடன் பழக வேண்டும். லாபத்தில் கருத்து வேறுபாடுகள் வரலாம். யாருடனும் தேவையற்ற பகையை ஏற்படுத்திக் கொள்ள வேண்டாம்.
பரிகாரம்: சனிக்கிழமைகளில் மகாலட்சுமிக்கு நெய் தீபம் ஏற்றி வழிபடவும்.
