14.11.2024 முதல் 20.11.2024 வரை
சாதகங்கள்: சுக்கிரன் உங்கள் லாபஸ்தானத்தில் இருக்கின்றார். சுக பாக்கிய அதிபதியான சுக்கிரன் லாபஸ்தானத்தில் வருவது நல்ல அமைப்பு. பொருளாதாரச் சிக்கல்கள் நீங்கி தன வரவுகள் ஏற்படும். புதிய ஆடை ஆபரணங்களை வாங்குவீர்கள். சிலருக்கு பதவி உயர்வு கிடைக்கும். செவ்வாய் ஆறாம் இடத்தில் சஞ்சரிப்பதால், மனதில் துணிச்சல் ஏற்படும். தன்னம்பிக்கை அதிகரிக்கும். காரியத்தடைகள் விலகும். பத்தாம் வீட்டில் சூரியன் புதனும் இணைந்து யோகத்தில் இருப்பதால், அரசாங்க உதவிகள் உண்டு போட்டி தேர்வுகளில் வெற்றி கிடைக்கும்.
கவனம் தேவை: வக்கிரம் நீங்கி சனி ராசியில் இருக்கிறார். கவனக் குறைவும் அலட்சியமும் சோம்பேறித்தனமும் ஏற்படும். எனவே சுறுசுறுப்பு குறைவாக உணர்வீர்கள். அதிலிருந்து விழிப்புணர்வு பெற வேண்டும். இரண்டாம் இடத்தில் ராகு இருப்பதால் வீண் அலைச்சல், பண விரயம், தேவையற்ற செலவுகள் ஏற்படும். உடல் நிலையை பாதிப்பு ஏற்பட்டு மருத்துவச் செலவுகள் வரலாம் ஆரோக்கியத்தைப் பார்த்துக் கொள்ள வேண்டும். உணவு விஷயத்தில் கவனம் தேவை.
பரிகாரம்: ஞாயிற்றுக்கிழமை ராகு காலத்தில் துர்க்கையை வணங்குங்கள் தொல்லைகள் குறையும்.
