30.04.2026 முதல் 6.5.2026 வரை
சாதகங்கள்: சுக்கிரன் இரண்டில் ஆட்சி பெற்று பலமாக இருப்பதும், குரு ஒன்பதாம் பார்வையாக லாபஸ்தானத்தைப் பார்ப்பதும், தொழில் ஸ்தானத்தில் குருவின் பார்வை விழுவதும், சாதகமான பலன்களைத் தரும். வாக்கு ஸ்தானத்தில் சூரியன் புதன் இருப்பதால், சிந்தித்துப் பேசுவீர்கள். குடும்ப வளம் நன்றாக இருக்கும். பொருளாதாரத்தில் பிரச்னைகள் இருப்பதற்கு வழியில்லை. குருவின் பார்வை 12ம் ராசிக்கு ஏற்படுவதால், செலவுகள் கட்டுக்கடங்கும். வெகுகாலமாக நிலுவையில் இருந்த பணத்தொகை புத்திசாலித்தனமான பேச்சினாலும் அணுகு முறையினாலும் கைக்கு வரும். 3ல் சுக்கிரன் இருப்பதால் இளைய சகோதர, சகோதரிகளால் நன்மை உண்டாகும். பயணங்கள் மகிழ்ச்சி தரும்.
கவனம் தேவை: வாக்குவாதங்களில் சூடு வேண்டாம். செவ்வாய் சனி ராசியில் இருக்கின்றார்கள். இந்தச் சேர்க்கை உங்களை எப்பொழுதும் பதற்றத்தில் வைத்திருக்கும். வீணான வார்த்தைகளும், பிரச்னை தரக் கூடிய வார்த்தைகளும் பேசி, ஏதாவது ஒன்றில் அகப்பட்டுக் கொள்வீர்கள் கவனம் தேவை. குடும்பத் துணைவருடன் வாக்குவாதங்கள் நேரலாம். சனியின் பார்வை சுக்கிரன் மீது விழுவதால், வீண் ஆடம்பரச் செலவுகளைத் தவிர்க்கவும்.
சந்திராஷ்டமம்: 30.4.2026 பகல் 1.15 முதல் 3.5.2026 காலை 12.30 வரை சந்திராஷ்டமம் உண்டு. பேச்சில் கவனமாக இருக்கவும். வாதப்பிரதிவாதங்களில் ஈடுபடவேண்டாம்.
பரிகாரம்: அனுமன் வழிபாடு அல்லது சனிக்கிழமை நல்லெண்ணெய் தீபம் ஏற்றுவது மன அமைதியைத் தரும்.
