(29.1.2026 முதல் 4.2.2026 வரை)
சாதகங்கள்: பஞ்சமாதிபதி ஏழில் உச்சம் பெற்று இருக்கின்றார். தைரியமும் முன் முயற்சியும் உங்களை வழிநடத்தும். உற்சாகத்தோடு செயல்படுவீர்கள். தொட்ட காரியங்களில் வெற்றி உண்டு. முன் வைத்த காலை பின் வைக்க மாட்டீர்கள். சொத்துக்களை வாங்கும் முயற்சி வெற்றி அடையும். திட்ட மிட்டபடி காரியங்கள் நடக்கும். ஆறாம் அதிபதி குரு பன்னிரண்டில் இருப்பதால், விபரீத ராஜயோகமாக செயல்படும். இனி நடைபெறாது என்று நினைத்த காரியங்கள் திடீர் என்று காரியங்கள் உங்களுக்குச் சாதகமாக மாறும், வணிகத்தில் எதிர்பார்த்த லாபம் கிடைக்கும். சிலருக்கு உத்தியோகத்தில் பதவி உயர்வும், இடமாற்றமும் ஏற்படும். மனைவி வழியில் அல்லது கணவன் வழியில் உதவியும் அன்பும் அதிகரிக்கும். மூத்த சகோதரிகளின் ஆதரவு உண்டு.
கவனம் தேவை: குரு விரைய ஸ்தானத்தில் இருப்பதை மறந்துவிட வேண்டாம். பெற்றோர்கள் ஆரோக்கியத்தில் கவனம் தேவை. தேவையற்ற செலவுகள் முன்வந்து நிற்கும். கொடுக்கல் வாங்கல்களில் ஜாக்கிரதை வேண்டும். வியாபாரப் போட்டிகள் அதிகரிக்கும். அதனால் மன உளைச்சல் உண்டு. சில வாய்ப்புகள் உங்கள் அஜாக்கிரதையால் கைநழுவிப் போகும்.
பரிகாரம்: துர்க்கையை வணங்குங்கள் அனைத்தும் சரியாகும்.
