(20.6.2026 முதல் 26.6.2026 வரை)
சாதகங்கள்: ராசியில் இரண்டு சுப கிரகங்கள் இணைந்திருக்கிறார்கள். இதில் சுக்கிரனால் ஆதாயம் உண்டு. காரணம் சுக லாபாதிபதி ராசியில் அமர்ந்திருக்கிறார்.. குருவுக்கு அமர்ந்த பலம் சாதகமாக இல்லாவிட்டாலும், திருஷ்டி பலம் மிகச்சிறந்த நன்மையைச் செய்யும். 11-ஆம் இடத்தில் செவ்வாய் அற்புதமாக அமைத்து ஐந்தாம் இடத்தை பார்க்கிறார். பூர்வ புண்ணிய பலன் உண்டு. பிள்ளைகள் வழியில் நல்ல செய்திகள் கிடைக்கும். பிரச்சனைகள் ஒவ்வொன்றாக குறைந்து கொண்டே வரும். கூட்டுத்தொழில் சிறப்பான முன்னேற்றத்தைத் தரும். மூத்த சகோதரர்களின் உதவி கிடைக்கும் வெளி நாட்டில் பணிபுரிய ஆசைப்பட்டவர்களுக்கு நல்ல வாய்ப்புகளும் கிடைக்கும்.
கவனம்தேவை: விரயத்தில் சூரியனும் புதனும் இருக்கிறார்கள். வரவுக்கு அதி பதியான சூரியனே செலவுக்கும் காரணமான 12-ஆம் இடத்தில் இருப்பதால், செலவுகளில் கவனமாக இருக்க வேண்டும். பேசுகின்ற பேச்சால் மனக்கஷ்டம் வரும். அஷ்டம ராகு என்பதால் கவனமாக இருக்க வேண்டும். எதிர்மறை சிந்தனைகளை கைவிடவும் அவசர முடிவுகள் வேண்டாம் .திடீர் பயணங்கள் ஏற்படலாம்.
பரிகாரம்: சூரிய நாராயணனையும், அருகில் உள்ள சிவன் கோயிலில் சிவன் அம்பாளையும் வணங்குங்கள்.
