(29.1.2026 முதல் 4.2.2026 வரை)
சாதகங்கள்: ராசிநாதன் சூரியன் ஆறாம் இடத்தில் அமர்ந்திருக்கிறார். அவரோடு செவ்வாயும் அமர்ந்திருக்கின்றார். லாபஸ்தானத்தில் குரு இருக்கிறார். எத்தனை எதிர்ப்புகள் வந்தாலும், வெற்றி பெறுவீர்கள். சுகங்கள் அதிகரிக்கும். செவ்வாய் உச்சம் பெற்றிருப்பதால், போட்டித் தேர்வுகளில் வெற்றி பெறுவீர்கள். வி.ஐ.பி சந்திப்புகள் நடைபெற வாய்ப்புண்டு. உத்தியோகம் மற்றும் தொழிலில் நீங்கள் எதிர்பார்த்த முன்னேற்றமும், திருப்பமும் கிடைக்கும். ஏழில் சஞ்சரிக்கும் புதனால் வாழ்க்கைத் துணை மூலம் அல்லது நண்பர்கள் உதவியால் வருமானம் அதிகரிக்கும். புதிய தொழில் தொடங்கும் முயற்சி வெற்றி பெறும். வேலை தேடுபவர்களுக்கு நல்ல வேலை அமையும்.
கவனம் தேவை: ராசியில் கேது இருப்பதை கவனத்தில் கொள்ளுங்கள். ஆன்மிக நாட்டம் அதிகரிக்கும். சுப விரயங்களில் பணம் செலவாகும். சனி அஷ்டமத்தில் இருப்பதையும், ஏழில் ராகு இருப்பதையும் கவனத்தில் கொள்ள வேண்டும். நண்பர்களாலும் மனைவியாலும் சிற்சில பிரச்னைகள் வரலாம். பொதுமக்கள் தொடர்பில் விரும்பத்தகாத சில பிரச்னைகள் வரலாம். பிள்ளைகள் விஷயத்திலும் கவனம் தேவை. அஷ்டம திசை நடப்பவர்கள் மிகவும் எச்சரிக்கையுடன் நடந்து கொள்ள வேண்டும். சங்கடங்கள், வழக்குகள் உங்களை அலைகழிக்கலாம்.
பரிகாரம்: தட்சிணாமூர்த்தியையும் அம்பாளையும் வணங்குங்கள்.
