12.3.2026 முதல் 18.3.2026 வரை
சாதகங்கள்: குருவின் பார்வை தைரிய ஸ்தானத்தில் விழுவதால், எதையும் சமாளித்துக் கொள்ளும் தைரியம் ஏற்படும். ஐந்தாம் இடத்திலும் ஏழாம் இடத்திலும் குருவின் பார்வை விழுவதால், எதிர்பாராத உதவிகள் கிடைக்கும். வீட்டில் குடும்பத்தினர் ஒத்துழைப்பு ஏற்படும். கணவன்- மனைவி உறவுகளில் ஏழில் உள்ள ராகுவால் சில விரிசல்கள் ஏற்படும் வாய்ப்பு உண்டு என்றாலும் குருவின் பார்வையால் கட்டுப்பட்டு இருக்கும். ஆயுள் ஸ்தானமான எட்டாம் இடத்தில் சுக்கிரன் இருந்தாலும் அவர் நன்மையே செய்வார். தொழிலில் யோகத்தை ஏற்படுத்துவார். செலவுகள் வந்தாலும் ஏதாவது ஒரு இடத்தில் இருந்து கடைசி நேரத்தில் பணவரவு தந்து காப்பாற்றுவார்.
கவனம் தேவை: ராசியில் கேது. லாபஸ்தானத்தில் குரு. ஆனால், வக்கிரமாக இருக்கிறார். செலவுகளை பார்த்துச் செய்யுங்கள். திடீர் செலவுகளும், விரும்பாத செலவுகளும், தேவையற்ற செலவுகளும் ஏற்பட்டு பணப்பற்றாக் குறையைத் தரும். மருத்துவச் செலவுகளும் சற்று அதிகரிக்கும். ஆரோக்கியத்தில் கவனமாக இருங்கள். சுபகாரிய முயற்சிகளில் சில தடைகள் உண்டு. சருமச் பிரச்னை, அலர்ஜி உள்ளவர்களுக்கு அது சம்பந்தப்பட்ட தொல்லைகள் ஏற்படும்.
பரிகாரம்: குலதெய்வ வழிபாடு கை கொடுக்கும்.
