30.4.2026 முதல் 6.5.2026 வரை
சாதகங்கள்: சூரியன் லாபஸ்தானத்தில் இருக்கின்றார். தைரியஸ்தானத்துக்கு உரியவர் லாபஸ்தானத்தில் இருப்பதால், உங்கள் தைரியமான முயற்சிகள் பலிக்கும். புதனும் இணைந்திருப்பதால், கல்வி முதலிய விஷயங்களில் மதிப்பும் செல்வாக்கும் அதிகரிக்கும். படிப்புக்கேற்ற வேலை கிடைக்கும். வெளியூர் பயணங்களால் லாபம் உண்டு. புதனும் சூரியனும் சேர்ந்திருப்பதால், அறிவுபூர்வமான செயல்களில் ஈடுபட வாய்ப்புண்டு. ராகு 9ஆம் பாவத்தில் இருப்பதால் வெளிநாடு, உயர்கல்வி, புதிய தத்துவ சிந்தனை அதிகரிக்கும். லாப வாய்ப்புகள் உருவாகும். புதிய நண்பர்களின், தொடர்புகள் மூலம் முன்னேற்றம் கிடைக்கும்.
கவனம் தேவை: ராசியில் குரு இருக்கின்றார். சனியின் பார்வை சுக ஸ்தானத்திலும், சப்தம ஸ்தானத்திலும் விழுவதால், நண்பர்களால் சங்கடங்கள் வரலாம். பொது வாழ்வில் ஈடுபட்டு இருப்பவர்களுக்கு ஏமாற்றங்கள் ஏற்படும், நம்பிக்கை குறையும். கேது 3ஆம் பாவத்தில் இருப்பதால், சகோதரர்கள் விஷயங்களில் கருத்து வேற்றுமை ஏற்படலாம். மனதில் குழப்பங்களும் கவலைகளும் ஏற்படும்.
பரிகாரம்: பெருமாளை வணங்குங்கள், விஷ்ணுஸஹஸ்ரநாம ஜபம் மன நிலையை சீராக்கும்.
