9.1.2025 முதல் 15.1.2025 வரை
சாதகங்கள்: ஐந்துக்குரிய சுக்கிரன் இன்னொரு திரிகோணமாகிய ஒன்பதாம் இடத்தில் சஞ்சரிப்பது மிகப்பெரிய சிறப்பு. பூர்வ புண்ணிய ஸ்தானாதிபதி பாக்கிய ஸ்தானத்தில் அமர்வதால், மனதில் உற்சாகமும் சந்தோஷமும் இருக்கும். பேச்சில் இனிமை அதிகரிக்கும். கணவன், மனைவி கருத்து வேறுபாடுகள் மறைந்து அன்னியோன்யம் அதிகரிக்கும். நினைத்ததை செய்து முடிப்பீர்கள். வெளிநாட்டு வேலைவாய்ப்பு அமைப்பு இவ்வாரம் உண்டு. பண வரவுக்கும் வாய்ப்புண்டு. ஆடை ஆபரணங்களை வாங்கி மகிழ்வீர்கள். பிள்ளைகளின் வழியில் மகிழ்ச்சி உண்டு. சொந்தக் கட்டிடத்தில் சிலர் தொழிலை மாற்றுவார்கள். முக்கியஸ்தர்களின் ஆதரவு உண்டு.
கவனம் தேவை: இரண்டில் செவ்வாய் நீச்சம் பெற்று இருக்கின்றார். அதோடு பாக்கியஸ்தானத்தில் அமைந்துள்ள சனியை அவர் பார்ப்பது சிறப்பல்ல. சில எதிர்பாராத தடைகள் நிகழலாம். நீங்கள் விரும்பாத இடமாற்றமும் உத்தியோக மாற்றமும் பயணமும் உண்டு. கலைஞர்களுக்கு வாய்ப்புகள் குறையும். குரு வக்கிரம் பெற்றிருப்பதால் சுபகாரியங்கள் நடத்துவதில் சிறு சிறு இடைஞ்சல்கள் வரும். கவனம் தேவை.
பரிகாரம்: வெள்ளிக்கிழமை தோறும் அருகில் உள்ள அம்மன் கோயிலுக்குச் சென்று வழிபடுங்கள், அவள் உங்கள் ஆற்றலை அதிகப்படுத்துவாள்.
