(20.6.2026 முதல் 26.6.2026 வரை)
சாதகங்கள்: ராசியில் சூரியன் புதன். புதன் ஆட்சி பெற்றிருக்கிறார். தன குடும்ப ஸ்தானத்தில் தேவகுருவான குருபகவானும், அசுரகுருவான சுக்கிரனும் இணைந்து இருக்கிறார்கள். அவர்கள் ஒன்பதாம் பார்வையாக சனிபகவானைப் பார்ப்பதால், தொழில் முயற்சிகள் வெற்றியடையும். லாபம் அதிகரிக்கும். பணவரவு திருப்திகரமாக இருக்கும். இரண்டாம் வருமானம் கூடுதல் வருமானம் என பொருளாதார வாய்ப்புகள் ஏற்படும். சுபகாரிய முயற்சிகள் தடையின்றி நடக்கும். கொடுக்கல் வாங்கல்கள் சிறப்பாக இருக்கும். இரண்டாம் இடத்தில் குரு – சுக்கிரன் இணைந்து இருப்பதால் பேச்சில் வலிமையும் வசீகரமும் இருக்கும். கலைத் துறையினருக்கு ஆதாயம் உண்டு.
கவனம் தேவை: விரய ஸ்தானத்தில் செவ்வாய் இருக்கிறார். சகோதர வழியில் கருத்து வேறுபாடுகளும், கூடுதல் செலவுகளும் ஏற்படலாம். ரியல் எஸ்டேட், வீடு வாங்குதல் முதலிய விஷயங்களில் அலைச்சல்கள், தாமதங்கள் ஏமாற்றங்கள் ஏற்படலாம். ஆவணங்களைச் சரிபார்க்கவும். வேலைச்சுமை அதிகரிக்கும். வாகனத்தை மாற்றும் வாய்ப்பு உண்டு. அக்கம் பக்கத்தினர் உடன் கருத்து வேறுபாடு வேண்டாம்.
பரிகாரம்: பெருமாளும் தாயாரும் துணை இருப்பார்கள்.
