12.3.2026 முதல் 18.3.2026 வரை
சாதகங்கள்: ராசிநாதன் புதன் பாக்கியஸ்தானத்தில் அமர்ந்து உங்கள் தைரிய ஸ்தானத்தைப் பார்வையிடுகின்றார். மூன்றாம் இடத்தில் அமர்ந்த கேது ராசிநாதனின் பார்வையை வாங்குவதோடு, உங்களுடைய வெற்றிக்கும் சிந்தனை பலத்துக்கும் சாதகமாக இருக்கின்றார். குருவின் பார்வையால் திரிகோண ஸ்தானங்கள் பலம் பெறுகின்றன. எனவே எப்படிப் பார்த்தாலும் சிறிய சிக்கல்கள் இருந்தாலும் கடைசியில் நன்மையாகவே முடியும். தலைக்கு வந்தது தலைப்பாகையோடு போயிற்று என்பது போல் பல பிரச்னைகள் தீர்ந்து விடும். தொழில் முயற்சிகள் வெற்றிகரமாக அமையும். வணிகத்தில் நல்ல லாபம் கிடைக்கும்.
கவனம் தேவை: ராசியில் குரு இருப்பதால் திடீர் குழப்பங்கள் ஏற்படலாம். புதிய முதலீடுகள் செய்யும் போது மிகவும் ஜாக்கிரதையாகச் செய்ய வேண்டும். ஒன்பதாம் இடத்தில் ஆறுக்குரிய செவ்வாய் இருப்பதால், தேவையற்ற பகைகளை வளர்த்துக் கொள்ளக்கூடாது. கருத்து வேறு பாடுகளுக்கு இடம் தராதீர்கள்.
சந்திராஷ்டமம்: 14.3.2026 காலை 9.33 முதல் 16.3.2026 மாலை 06.14 வரை சந்திராஷ்டமம் உண்டு.
பரிகாரம்: முருகப்பெருமானை வணங்குங்கள். வாழ்க்கை வளமாகும்.
