12.3.2026 முதல் 18.3.2026 வரை
சாதகங்கள்: மூன்று விஷயங்கள் முக்கியமானவை. ஒன்று ராகு 11-ஆம் இடத்தில் இருப்பது. இரண்டாவதாக ராசிநாதன் லாபஸ்தானத்தில் இருப்பது. மூன்றாவது சுக்கிரன் 12-ஆம் இடத்தில் இருப்பது. இவை முழுவதும் உங்களுக்குச் சாதகமான அம்சங்கள். மன உறுதியும் தெளிவான சிந்தனையும் ஏற்படும். தொழில் திட்டங்கள் படிப்படியாக உங்கள் விருப்பத்திற்கு ஏற்றவாறு அமையும். புதிய பாகஸ்தர் வருவார்கள். குரு உங்கள் பாக்கிய ஸ்தானத்தையும் லாப ஸ்தானத்தையும் பார்ப்பது வெற்றிக்குத் துணையாக அமையும். போட்டித் தேர்வுகளில் வெற்றி கிடைக்கும். பணியிடத்தில் உங்கள் கருத்துகளுக்கு மதிப்பு கிடைக்கும்.
கவனம் தேவை: செலவுகள் செய்யும் பொழுது மிக மிக ஜாக்கிரதையாகச் செய்ய வேண்டும். விரய ஸ்தானம் பலம் பெற்று இருக்கிறது. ஏழரைச் சனி தொடங்குகிறது. இந்த நேரத்தில் எதையும் ஒரு முறைக்கு இருமுறை கவனமாகப் பார்த்துச் செய்ய வேண்டும். 3ல் குரு இருப்பதால் செலவுகள் அதிகரிக்கும். சூரியன் 12-ஆம் இடத்தில் இருப்பதால் ஆரோக்கியத்தை கவனித்துக் கொள்ள வேண்டும். உத்தியோகத்தில் இருப்பவர்கள் மேலதிகாரிகளோடு இணக்கமாக இருக்க வேண்டும்.
பரிகாரம்: மந்த்ராலயா மகானை ராகவேந்திர சுவாமிகளை நினைத்துக் கொள்ளுங்கள்.
