ஒளிப்பதிவாளர், கவிஞர், தயாரிப்பாளர், ஸ்கிரிப்ட் ரைட்டர், நடிகர் ஆகிய தளங்களில் இயங்கி வரும் எஸ்.டி.விஜய் மில்டன், தற்போது தமிழ் மற்றும் தெலுங்கில் இயக்கும் இன்னும் பெயரிடப்படாத படத்ைத அவரது ரஃப் நோட் புரொடக்‌ஷன் தயாரிக்கிறது. இதில் இசையுலகில் பிரபலமான பால் டப்பா நடிகராக அறிமுகமாகிறார். சென்னை அனிஷ், தனது புதிய பெயரான ‘பால் டப்பா’ மூலம் ரசிகர்கள் மத்தியில் நன்கு பரிச்சயமானவர்.

ராப்பர், பாடகர், பாடலாசிரியர், நடன இயக்குனர் ஆகிய தளங்களில் இயங்கி வருகிறார். ‘170 CM’, ‘காத்து மேல’, ‘கலாட்டா’ (மலையாள ‘ஆவேஷம்’ படத்தில் இருந்து) போன்ற ஹிட் பாடல்களின் மூலம் தனி அடையாளம் பெற்றுள்ளார். குழந்தை பருவத்தில் குளிர்ந்த பாலை நேசித்ததை தலைப்பாக வைத்து, ‘பால் டப்பா’ என்ற பெயரின் மூலம் தனது திறமைகளை வெளிப்படுத்தி வரும் அவர், புதிய படத்தில் முக்கிய கேரக்டரில் நடிக்கிறார். தெலுங்கு நடிகர் ராஜ் தருண் தமிழில் ஹீரோவாக அறிமுகமாகிறார்.