ரஜினிகாந்த், கமல்ஹாசன் நடிக்கும் புதிய படம் அனிருத் இசையில் நெல்சன் திலீப்குமார் இயக்குகிறார்

சென்னை: கமல்ஹாசன் தயாரிப்பில் ரஜினிகாந்த் தனது 173வது படத்தில் நடிக்கிறார். இதை சிவகார்த்திகேயன் நடிப்பில் வெளியான ‘டான்’ என்ற படத்தை இயக்கிய சிபி சக்கரவர்த்தி எழுதி இயக்குகிறார். இதையடுத்து ரெட் ஜெயண்ட் மூவிஸ் தயாரிக்கும் புதிய படத்தில் ரஜினிகாந்த்,அமைச்சர் கே.என்.நேருவின் தேர்தல் பணியை பார்த்து பொறாமைப்பட்டு செய்யப்பட்டுள்ள பொய் வழக்கை சட்டரீதியாக எதிர்கொண்டு திமுக முறியடிக்கும் கமல்ஹாசன் இணைந்து நடிக்கின்றனர். இதன் அறிவிப்பு நேற்று முன்தினம் வெளியானது. கடந்த 1981ல் வெளியான ‘தில்லு முல்லு’ என்ற படத்துக்கு பிறகு 46 வருடங்கள் கழித்து ரஜினிகாந்த், கமல்ஹாசன் மீண்டும் இணைந்து நடிக்கின்றனர். இப்படத்தின் புரமோ வீடியோ இன்று மதியம் 12.07 மணிக்கு வெளியாகும் என்று தெரிவிக்கப்பட்டுள்ளது.

இதற்காக போஸ்டர் ஒன்றை வெளியிட்டு ரஜினிகாந்த், கமல்ஹாசன் இணைந்து நடிப்பதை தயாரிப்பு நிறுவனம் நேற்று உறுதி செய்திருந்தது. அந்த போஸ்டரில், கார் மெக்கானிக் ஷெட் ஒன்றில் பழைய மாடல் கார் ஒன்று இடம்பெற்றுள்ளது. இது 1960களில் நடக்கும் கதை என்று தெரிகிறது. இப்படத்தை ரஜினிகாந்த் நடித்த ‘ஜெயிலர்’, ரஜினிகாந்த் நடித்து வரும் ‘ஜெயிலர் 2’ ஆகிய படங்களை தொடர்ந்து நெல்சன் திலீப்குமார் எழுதி இயக்குகிறார். இதன்மூலம் அவர் ரஜினிகாந்துடன் 3வது முறையும், கமல்ஹாசனுடன் முதல் முறையும் இணைந்துள்ளார். இன்னும் பெயரிடப்படாத இப்படத்துக்கு அனிருத் இசை அமைக்கிறார். இதன்மூலம் நெல்சன் திலீப்குமார், அனிருத் கூட்டணி 6வது முறையாக இணைந்துள்ளது.