14.11.2024 முதல் 20.11.2024 வரை
சாதகங்கள்: சுக்கிரன் தன குடும்பஸ்தானத்தில் சஞ்சரிக்கிறார். 7க்குரியவன் இரண்டாம் இடத்தில் சஞ்சரிப்பதும், ஏழிலிருந்து குரு ராசியைப் பார்ப்பதும், நல்ல அமைப்பு. பணவரவு நன்றாக இருக்கும். எதிர்பார்த்த வரவுகள் வரும். நினைத்த காரியம் நடக்கும். தொழில் வியாபாரம் நன்றாக செயல்படும். 11ஆம் இடத்தில் உள்ள கேது உங்கள் எண்ணங்களை நிறைவேற்றி வைப்பார். லாபாதிபதி புதன் ராசியில் சூரியனோடு இணைந்து யோகத்தைத் தருகின்றார். புதிய ஒப்பந்தங்கள் வரும். கலைஞர்களுக்கு நல்ல வாய்ப்புகள் கிடைக்கும்.
கவனம் தேவை: சூரியன் 12ஆம் இடத்தில் இருந்து இப்பொழுது ராசிக்குள் நுழைகிறார். இதனால் உடல் ஆரோக்கியத்தில் சற்று பின்னடைவு ஏற்படும். தேவையில்லாத பகைகள் வரும். தாயாருக்கு உடல் பாதிப்பு ஏற்படும். பிள்ளைகளால் மன உளைச்சல் அலைச்சல் ஏற்படும்.
சந்திராஷ்டமம்: 18.11.2024 அதிகாலை 4.32 முதல் 20.11.2024 காலை 8.47 மணி வரை சந்திராஷ்டமம் உண்டு. சந்திராஷ்டம தினத்தில் பேச்சில் கவனமாக இருக்கவும். வாதப் பிரதிவாதங்களில் ஈடுபட வேண்டாம்.
பரிகாரம்: சூரியன் பலம் குறைத்திருப்பதால் காலை சூரிய உதயத்தின் போது சூரிய நமஸ்காரம் செய்வதோடு, சூரிய காயத்ரி சொல்லி, பூஜையறையில் ஒரு அகல் விளக்கு ஏற்றுங்கள்.
