சென்னை: சென்னை சேப்பாக்கத்தில் நடைபெற உள்ள சிஎஸ்கே – டெல்லி அணிகளுக்கு இடையேயான ஐபிஎல் டிக்கெட்டுகள் விற்று தீர்ந்தன. சென்னை சேப்பாக்கத்தில் ஏப்ரல் 5 ஆம் தேதி நடைபெறும் ஐபிஎல் போட்டிக்கான டிக்கெட் விற்பனை இன்று (ஏப்.2) தொடங்கியது. டிக்கெட் விற்பனை காலை 10.15 மணிக்கு ஆன்லைனில் தொடங்கும் என சிஎஸ்கே நிர்வாகம் தெரிவித்தது.

அந்த வகையில், ஆன்லைன் டிக்கெட் விற்பனை தொடங்கிய சில நிமிடங்களிலேயே டிக்கெட்டுகள் விற்று தீர்ந்தது. இடைத்தரகர்கள் மூலம் மொத்தமாக புக் செய்யப்பட்டு கூடுதல் விலைக்கு விற்பனை செய்யப்படுவதாக ரசிகர்கள் குற்றச்சாட்டு வைத்தனர். மேலும், டிக்கெட் பெறுவதற்கான காத்திருப்போர் பட்டியல் 3 லட்சம் வரையில் இருப்பதாக ரசிகர்கள் வருத்தம் தெரிவித்தனர். ஐபிஎல் டிக்கெட் விற்பனையை ஒழுங்குமுறை படுத்த வேண்டும் என ரசிகர்கள் கோரிக்கை விடுத்தனர்.

 

The post சென்னை சேப்பாக்கத்தில் நடைபெற உள்ள சிஎஸ்கே – டெல்லி அணிகளுக்கு இடையேயான ஐபிஎல் டிக்கெட்டுகள் விற்று தீர்ந்தன..!! appeared first on Dinakaran.