நெல்லை, நவ. 20: மகாராஷ்டிரா மாநில சட்டமன்ற தேர்தல் இன்று (20ம் தேதி) நடக்கிறது. இந்த தேர்தலில் சயான் கோலிவாடா தொகுதியில் காங்கிரஸ் ேவட்பாளராக வள்ளியூரை பூர்வீகமாகக் கொண்ட கணேஷ் குமார் யாதவ் போட்டியிடுகிறார். கணேஷ்குமாரை ஆதரித்து தமிழ்நாடு காங்கிரஸ் கமிட்டி மாநில பொருளாளரும், நாங்குநேரி தொகுதி எம்எல்ஏவுமான ரூபி மனோகரன் நேற்று முன்தினம் பிரசாரம் செய்தார். சயான் கோலிவாடா தொகுதி தமிழர்கள் அதிகம் வசிக்கும் பகுதியாகும். இதனால் அந்த தொகுதியில் தமிழ்நாட்டை சேர்ந்தவர் வேட்பாளராக நிறுத்தப்பட்டுள்ளார். சயான் கோலிவாடா தொகுதியில் வசிக்கும் தமிழர்களிடம் வீதி வீதியாக சென்ற ரூபி மனோகரன் எம்எல்ஏ, காங்கிரஸ் வேட்பாளருக்கு ஆதரவாக நேற்று பிரசாரத்தில் ஈடுபட்டார். அவருடன் காங்கிரஸ் கட்சியின் நிர்வாகிகள் வாக்கு சேகரித்தனர்.

The post மகாராஷ்டிரா சட்டமன்ற தேர்தல் ரூபி மனோகரன் எம்எல்ஏ பிரசாரம் காங்கிரஸ் வேட்பாளருக்கு ஆதரவு திரட்டினார் appeared first on Dinakaran.