அம்பேத்கர் வேடத்தில் நடித்த படத்துக்கு 45 கட்

சென்னை: மாங்காடு அம்மன் மூவிஸ் சார்பில் ராஜகணபதி தயாரித்து கேஷ்லெஸ் ஷிவாகோ இயக்கத்தில் உருவாகியுள்ள ‘ஏ படம்’ வரும் ஏப்ரல் 27ம் தேதி திரைக்கு வருகிறது. சதீஷ் ஒளிப்பதிவு செய்து ஜோஸ் பிராங்க்ளின் இசை அமைத்துள்ளார். ராஜகணபதி, மேகா முன்னணி வேடத்திலும், சந்திரபோஸ், கேஷ்லெஸ் ஷிவாகோ, அஸ்மிதா, சுஷ்மிதா ஆகியோர் முக்கிய வேடத்தில் நடித்துள்ளனர். இப்படத்தின் பர்ஸ்ட் லுக்கை விசிக தலைவரும், எம்பியுமான தொல்.திருமாவளவன் வெளியிட்டார். விவசாய புரட்சியையும், கார்ப்பரேட் நிறுவனங்கள் விவசாய மக்களை எப்படியெல்லாம் ஏமாற்றுகிறது என்ற மையக்கருத்தையும் மிக அழுத்தமாக இந்த ‘ஏ படம்’ பதிவு செய்துள்ளது.

சென்னை, ஏலகிரி, ஏற்காடு ஆகிய பகுதிகளில் இதன் படப்பிடிப்பு நடந்துள்ளது. படம் குறித்து ராஜகணபதி கூறுகையில், ‘‘இப்படத்துக்கு தணிக்கை சான்றிதழ் வாங்கும்போது, 45க்கும் மேற்பட்ட காட்சிகளுக்கு ‘கட்’ கொடுத்தனர். இதனால் 18 மாதங்கள் வரை கோர்ட்டுக்கு அலைந்து, மிகவும் சிரமப்பட்டு தணிக்கை சான்றிதழ் வாங்கினோம். இதில் அம்பேத்கர் வேடத்தில் நடித்துள்ளேன். சமுதாயத்திலுள்ள அவலங்களை அம்பேத்கர் பேசுவது போல் நடித்த அனுபவத்தை மறக்க முடியாது. நல்ல படத்தை திரையரங்கில் பார்த்து ஆதரிக்க வேண்டுகிறேன்’’ என்றார்.