சென்னை: நயன்தாரா நடிப்பில், அறிமுக இயக்குநர் செந்தில் நல்லசாமி இயக்கும் படம் ‘ராக்காயி’. இப்படத்தின் டைட்டில் லுக் டீசர், நயன்தாரா பிறந்த நாளை கொண்டாடும் விதமாக நேற்று வெளியிடப்பட்டுள்ளது. டிரம்ஸ்டிக்ஸ் புரொடக்‌ஷன்ஸ் மற்றும் மூவி வெர்ஸ் ஸ்டுடியோஸ் நிறுவனங்கள் இணைந்து தயாரிக்கின்றன. இப்படத்தில் ஆக்‌ஷன் அவதாரத்தில் நயன்தாரா தோன்றவுள்ளார். இந்த டீசர் தற்போது இணையத்தில் வைரலாகியுள்ளது. புதுமையான கதைக்களத்தில், பரபரப்பான திரைக்கதையுடன், ப்ரீயட் ஆக்சன் டிரமாவாக இப்படம் உருவாகிறது என படக்குழு தெரிவித்துள்ளது. 96 படத்துக்கு இசையமைத்த கோவிந்த் வசந்தா இப்படத்திற்கு இசையமைக்கிறார். கௌதம் ராஜேந்திரன் ஒளிப்பதிவு செய்ய, பிரவீன் ஆண்டனி எடிட்டராக பணியாற்றவுள்ளார். இப்படத்தில் நடிக்கவுள்ள மற்ற நடிகர், நடிகையர் பற்றிய விவரங்கள் விரைவில் அதிகாரப்பூர்வமாக அறிவிக்கப்படும் என தெரிவிக்கப்பட்டுள்ளது.