ஈரோடு,மார்ச்23: ஈரோடு அடுத்த சித்தோடு வெல்ல மார்க்கெட்டில் வாரந்தோறும் சனிக்கிழமையன்று ஏலம் மூலம் வெல்ல மூட்டைகள்(30 கிலோ) விற்பனை செய்யப்படும்.இதன்படி, இந்த வாரம் கூடிய மார்க்கெட்டில் நாட்டு சர்க்கரை 2,300 மூட்டையும்,உருண்டை வெல்லம் 2,700 மூட்டையும்,அச்சு வெல்லம் 250 மூட்டையும் வரத்தானது. இதில், நாட்டுச்சர்க்கரை மூட்டை ஒன்று ரூ.1,220 முதல் ரூ.1,350 வரையும், உருண்டை வெல்லம் ரூ.1,320 முதல் ரூ.1,410 வரையும், அச்சு வெல்லம் ரூ.1,420 முதல் ரூ.1,450 வரை என்ற விலையில் விற்பனையானது. கடந்த வாரத்தை விட இந்த வாரம் வெல்லங்களின் வரத்து அதிகரித்து காணப்பட்டது. இருப்பினும் கடந்த வாரம் விலையிலேயே விற்பனையானதாக மார்க்கெட் நிர்வாகிகள் தெரிவித்தனர்.

The post சித்தோடு மார்க்கெட்டிற்கு வெல்லம் வரத்து அதிகரிப்பு appeared first on Dinakaran.