ஒரத்தநாடு, மே.06: தஞ்சாவூர் மாவட்டம், ஒரத்தநாட்டில், சிஐடியு கட்டுமானத் தொழிலாளர் சங்கத்தின் சார்பில், காரல் மார்க்ஸ் 208வது பிறந்த நாள் கொண்டாடப்பட்டது. சிபிஎம் நகரச் செயலாளர் ஜான் பீட்டர் தலைமையில் நடைபெற்ற இந்நிகழ்வில், கட்டுமான தொழிலாளர் சங்கத்தின் மூத்த தோழர் சின்னப்பொண்ணு கொடியேற்றி வைத்தார்.

இதில், சிபிஎம் ஒன்றியக்குழு உறுப்பினர் அ.வெங்கடேசன், சிஐடியு மாவட்ட துணைச் செயலாளர் ஆர்.ஐயப்பன், பெர்னாட்ஷா, கட்டுமானத் தொழிலாளர் சங்கத்தின் கிளைச் செயலாளர் தேவேந்திரன், கட்டுமான சங்கம் கிளைத் தலைவர் ஆரோக்கியதாஸ் மற்றும் பலர் கலந்து கொண்டனர். மேலும், உடல்நலக்குறைவால் பாதிக்கப்பட்ட சுதா என்பவருக்கு ரூ.3,200 நிதி உதவி வழங்கப்பட்டது. கட்டுமான தொழிற்சங்க உறுப்பினர்கள் கொடுத்த நிதியை மஞ்சுளா, சுதாவிடம் வழங்கினார்.