சென்னை: வெள்ளுடை வேந்தர் என சர்.பிட்டி தியாகராயர் 174வது பிறந்தநாளில் முதல்வர் மு.க.ஸ்டாலின் சமூக வலைத்தளத்தில் பதிவிட்டுள்ளார். இதுதொடர்பாக அவர் வெளியிட்ட பதிவு : கல்விக்கூடங்கள், தெருவிளக்குகள், குடிநீர் இணைப்பு, மதிய உணவுத் திட்டம் எனச் சென்னை மாநகரின் வளர்ச்சிக்குப் பெரும் பங்காற்றியவர். நீதிக்கட்சியின் நிறுவனர்களுள் ஒருவராக இருந்து, தன்னைத் தேடி வந்த முதலமைச்சர் பொறுப்பை மறுத்த மாண்பாளராக உயர்ந்தவர்.
எவருக்காகவும் தன் இயல்பை மாற்றிக்கொள்ளாத ‘வெள்ளுடை வேந்தர்’ எனப் பெயரும் பெற்றவர். இன்றைய நம் மாடல் ஆட்சிக்கு நூறாண்டுகளுக்கு முன்பே வலுவான கொள்கை அடித்தளம் அமைத்த எம் தியாகராயர் வழிநின்று தமிழ்நாட்டின் உயர்வுக்கு உழைப்போம். இவ்வாறு அதில் கூறப்பட்டுள்ளது.
The post சர்.பிட்டி தியாகராயர் வெள்ளுடை வேந்தர் முதல்வர் புகழாரம் appeared first on Dinakaran.
