மெல்போர்ன்: ஆஸ்திரேலியாவில் பிரிஸ்பேன் நகரில் நடந்த 3வது டெஸ்ட் போட்டியில் சிறப்பாக பந்து வீசிய இந்திய நட்சத்திர பந்து வீச்சாளர் ஜஸ்பிரீத் பும்ரா 9 விக்கெட்டுகளை வீழ்த்தினார். இதன் மூலம் ஐசிசி டெஸ்ட் பந்து வீச்சாளர்களுக்கான தர வரிசைப் பட்டியலில் மேலும் 14 புள்ளிகள் அதிகரித்து 904 புள்ளிகள் பெற்று முதலிடத்தில் நீடிக்கிறார். இது, டெஸ்ட் வரலாற்றில் பும்ரா பெற்ற அதிகபட்ச புள்ளிகள். இதன் மூலம், சமீபத்தில் ஓய்வு பெற்ற இந்திய ஆல் ரவுண்டர் அஸ்வின், கடந்த 2016 டிசம்பரில் அதிகபட்சமாக பெற்ற 904 புள்ளிகளை பும்ரா எட்டிப் பிடித்துள்ளார். இந்நிலையில் மெல்போர்ன் நகரில் இன்று துவங்கும் இந்தியா – ஆஸி டெஸ்ட் போட்டியில் பும்ரா சிறப்பாக செயல்பட்டு அஸ்வினின் சாதனையை முறியடிப்பார் என எதிர்பார்க்கப்படுகிறது.

The post ஐசிசி தரவரிசை பட்டியல் வெளியீடு: பும்ரா அதிரடி சாதனை; 3வது போட்டியால் 14 புள்ளி உயர்வு appeared first on Dinakaran.