தூத்துக்குடி மாவட்டம் கோவில்பட்டியை சேர்ந்தவர் டாக்டர் சங்கர் சீனிவாசன்(40). இவரது மனைவி டாக்டர் கீர்த்திகா (36), மகன் பர்வேஸ் ஐயன் (13), மகள் மது சமா (10). இவர்கள் அனைவரும் நேற்று முன்தினம் இரவு காரில் சென்னைக்கு புறப்பட்டனர். காரை சங்கர் சீனிவாசன் ஓட்டினார்.
நேற்று அதிகாலை 5 மணியளவில் விக்கிரவாண்டி அடுத்த பாப்பனப்பட்டு அருகே வந்தபோது, முன்னால் சென்ற லாரி திடீரென பழுதாகி நின்றதால் பின்தொடர்ந்து சென்ற கார் எதிர்பாராத விதமாக லாரி மீது மோதி விபத்துக்குள்ளானது.
இந்த விபத்தில் காரில் பயணம் செய்த சங்கர் சீனிவாசன் உள்பட 4 பேரும் பலத்த காயமடைந்தனர். தகவலறிந்த விக்கிரவாண்டி போலீசார் சம்பவ இடத்துக்கு விரைந்து வந்து விபத்தில் சிக்கிய 4 பேரையும் மீட்டு முண்டியம்பாக்கம் அரசு மருத்துவக் கல்லூரி மருத்துவமனையில் சேர்த்தனர். விபத்து குறித்து விக்கிரவாண்டி போலீசார் வழக்கு பதிந்து விசாரணை நடத்தி வருகின்றனர்.
The post கோவில்பட்டியில் இருந்து சென்னை சென்றபோது விபத்து லாரி மீது கார் மோதி டாக்டர் தம்பதி, 2 குழந்தைகள் படுகாயம் appeared first on Dinakaran.