திருமலை: தெலங்கானா அமைச்சர் சுரேகா நிருபர்களிடம் கூறும்போது, ‘தெலங்கானா முன்னாள் முதல்வர் சந்திரசேகரராவ் மகனும் பி.ஆர்.எஸ்.கட்சியின் செயல் தலைவருமான கே.டி.ராமாராவ் பல கதாநாயகிகளின் வாழ்க்கையில் விளையாடி உள்ளார். நடிகர் நாக சைதன்யா-சமந்தா விவாகரத்துக்கும் கே.டி.ராமாராவ்தான் காரணம்’ என்றார். இதுகுறித்து நடிகர் நாக சைதன்யா எக்ஸ் தளத்தில் கூறுகையில், `விவாகரத்து முடிவு என்பது துரதிஷ்டவசமாக எடுத்த வேதனையான முடிவு. பல ஆலோசனைகளுக்கு பிறகே நானும் எனது முன்னாள் மனைவியும் (சமந்தா) பரஸ்பர முடிவு எடுத்து பிரிந்துள்ளோம். இதுகுறித்து எங்கள் வீட்டு பெரியவர்கள் பேசிய பிறகே எடுக்கப்பட்ட முடிவு. ஆனால் எவ்வித ஆதாரமும் இன்றி என் மீதும், எனது முன்னாள் மனைவி மற்றும் எங்கள் குடும்பத்தினர் மீதும் தெலங்கானா மாநில அமைச்சர் சுரேகா கருத்து தெரிவித்திருப்பது ஏற்கக்கூடியது அல்ல. ஒரு பொறுப்புள்ள பெண் அமைச்சர் இவ்வாறு பேசியிருப்பது அதிர்ச்சியாக உள்ளது. இவ்வாறு கூறியுள்ளார்.

இது தொடர்பாக மற்ற நடிகர்களின் டிவிட்டர் பதிவு:
சிரஞ்சீவி: மதிப்பிற்குரிய பெண் அமைச்சர் ஒருவரின் இழிவான கருத்துக்களைக் கண்டு நான் மிகவும் வேதனையடைந்தேன். சமூகத்தை வாழ்வதற்கு சிறந்த இடமாக மாற்றுவதற்காகவே நாங்கள் எங்கள் தலைவர்களைத் தேர்ந்தெடுக்கிறோம், வார்த்தைகளை தாழ்த்தி அதை மாசுபடுத்தக்கூடாது. அரசியல்வாதிகள் மற்றும் கௌரவமான பதவிகளில் இருப்பவர்கள் சிறந்த முன்மாதிரியாக இருக்க வேண்டும். சம்பந்தப்பட்டவர்கள் திருத்தங்களைச் செய்து, இந்தத் தீங்கிழைக்கும் கருத்துக்களை உடனடியாகத் திரும்பப் பெறுவார்கள் என்று நம்புகிறேன்.
மகேஷ் பாபு: சக திரையுலகினர் மீது அமைச்சர் கொண்டா சுரேகா கூறிய கருத்து மிகுந்த வேதனை அளிக்கிறது. ஒரு மகளின் தகப்பனாக, மனைவிக்கு கணவனாக, தாய்க்கு மகனாக, ஒரு பெண் அமைச்சர் மற்றொரு பெண்ணைப் பற்றி பேசும் ஏற்றுக்கொள்ள முடியாத வார்த்தைகளை கடுமையாக கண்டிக்கிறேன்.
நானி: எப்பேர்ப்பட்ட முட்டாள்தனத்தையும் பேசி தப்பித்து விடலாம் என்று நினைக்கும் அரசியல்வாதிகளைப் பார்க்கவே அருவருப்பாக இருக்கிறது. உங்கள் வார்த்தைகள் மிகவும் பொறுப்பற்றதாக இருக்கும்போது, ​​உங்கள் மக்களுக்காக உங்களுக்கு ஏதேனும் பொறுப்பு இருக்கும் என்று எதிர்பார்ப்பது எங்களது முட்டாள்தனம்.
ஜூனியர் என்டிஆர்: கோண்டா சுரேகா அவர்களே, தனிப்பட்ட வாழ்க்கையை அரசியலுக்கு இழுப்பது தரம்கெட்ட செயல். பொது நபர்கள், குறிப்பாக உங்களைப் போன்ற பொறுப்பான பதவிகளில் இருப்பவர்கள், தனியுரிமைக்கு கண்ணியத்தையும் மரியாதையையும் பராமரிக்க வேண்டும்.
குஷ்பு: 2 நிமிட புகழ் மற்றும் மஞ்சள் பத்திரிகையில் ஈடுபடுபவர்கள் மட்டுமே இந்த மொழியைப் பேசுவார்கள் என்று நினைத்தேன். ஆனால் இங்கே, பெண்மைக்கு ஒரு முழுமையான அவமானத்தை நான் காண்கிறேன். கொண்டா சுரேகா அவர்களே, சினிமா துறையினர் இனி இதுபோன்ற அவதூறுகளை வாய்மூடி பார்வையாளர்களாக பார்த்துக்கொண்டிருக்க மாட்டார்கள். போதும் போதும். இப்படிப்பட்ட ஆதாரமற்ற பொய்யான குற்றச்சாட்டுகள், இன்னொரு பெண்ணிடம் இருந்து ஒரு பெண்ணுக்கு சுமத்தப்படுவது. நீங்கள் ஒட்டுமொத்த திரையுலகத்திடமும் மன்னிப்பு கேட்க வேண்டும். இந்தியாவில் ஜனநாயகம் என்பது ஒரு வழி போக்குவரத்து அல்ல என்பதை அந்த அமைச்சருக்கு சொல்லிக் கொள்கிறேன்.

 

The post நாகசைதன்யா சமந்தா விவகாரம்: பெண் அமைச்சருக்கு நடிகர், நடிகைகள் கடும் கண்டனம் appeared first on Kollywood News | Kollywood Images - Cinema.dinakaran.com.