பாசெல்: சுவிட்சர்லாந்து ஓபன் பேட்மிண்டன் போட்டி பாசெல்நகரில் நடந்து வருகிறது. ஆண்கள் ஒற்றையர் பிரிவு முதல் சுற்றில் இந்தியாவின் பிரியான்ஷு ரஜாவத், சுவிட்சர்லாந்து வீரர் டோபியாஸ் கொன்சி உடன் மோதினார். இதில் ரஜாவத் 21-10,21-11 என்ற செட் கணக்கில் வென்று அடுத்த சுற்றுக்கு முன்னேறினார். உலக தரவரிசையில் 49வது இடத்தில் இருக்கும் இந்திய வீரர் காந்த் முதல் சுற்றில் 23-21,23-21 என்ற நேர் செட்டில் சக நாட்டவரான எச் .எஸ்.பிரனாயை வீழ்த்து 2வது சுற்றுக்கு முன்னேறினார். மற்றொரு ஆட்டத்தில் தமிழகத்தை சேர்ந்த சங்கர் முத்துசாமி 21-5, 21-16 என்ற நேர் செட்டில் டென்மார்கின் ஜோகன்சனை தோற்கடித்து அடுத்து சுற்றுக்கு முன்னேறினார்.

பெண் பிரிவில் உலக தரவரிசையில் 17வது இடம் வகிக்கும் இந்திய முன்னணி வீராங்கனை பி.வி.சிந்து 17-21,19-21 என்ற நேர் செட்டில் 31ம் இடத்தில் உள்ள டென்மார்க் வீராங்கனையான ஜூலி டாவல் ஜேக்கபசனிடம் அதிர்ச்சி தோல்வியடைந்து வெளியேறினார். மற்றொரு போட்டியில் இந்தியாவை சேர்ந்த அனுபமா உபாத்யாயா 21-14, 21-13 என்ற நேர் செட் கணக்கில் வளர்ந்து வரும் இந்திய நட்சத்திரம் நமல் கர்பை தோற்கடித்தார். இஷாராணி பருவா 21-18, 17-21, 20-22 என்ற கணக்கில் ஆகர்ஷி காஷ்யப்பைத் தோற்கடித்தார். மற்ற இந்திய வீராங்கனைகளான மாளவிகா பன்சோத், கிரண் ஜார்ஜ், ஆயுஷ் ஷெட்டி ஆகியோர் முதல் சுற்றில் தோல்வியடைந்தனர்.

The post சுவிஸ் ஓபன் பேட்மிண்டன்: சிந்து அதிர்ச்சி தோல்வி appeared first on Dinakaran.