கெங்கவல்லி, டிச.20: கெங்கவல்லி போலீஸ் ஸ்டேஷனில் தீக்குளிக்க முயன்ற வாலிபரை போலீசார் கைது செய்தனர்.கெங்கவல்லி அருகே ஆணையாம்பட்டி பகுதியைச் சேர்ந்தவர் செல்வராஜ்(36). இவரது மனைவி கிருஷ்ணவேணி(32). இவர்கள், நேற்று முன்தினம் காலை கெங்கவல்லி போலீஸ் ஸ்டேஷனுக்கு வந்தனர். திடீரென தாங்கள் மறைத்து வைத்திருந்த மண்ணெண்ணெயை எடுத்து உடலில் ஊற்றிக்கொண்டு தீக்குளிக்க முயன்றனர். இதை பார்த்த போலீசார், அவர்களை தடுத்து நிறுத்தி காப்பாற்றி, தண்ணீரை ஊற்றினர்.
அப்போது அவர்கள் கூறுகையில், எங்கள் வீட்டின் அருகில் வசிப்பவர், எங்களது நிலத்தில் வீடு கட்டியுள்ளார். இதுகுறித்த வழக்கு 5 ஆண்டுகளாக நீதிமன்றத்தில் நடந்து வருகிறது. அந்த வீட்டில் சுவர் பூச்சு வேலையை செய்து வருகிறார். இதுகுறித்து புகாரளித்தும் போலீசார் நடவடிக்கை எடுக்காததால், தீக்குளிக்க முயன்றதாக தெரிவித்தனர். இதுகுறித்து எஸ்ஐ கணேஷ்குமார் அளித்த புகாரின்பேரில், போலீசாரை பணி செய்யவிடாமல் தடுத்தது, தற்கொலை மிரட்டல் விடுத்தது உள்ளிட்ட 7 பிரிவின் கீழ் போலீசார் வழக்குப்பதிந்து செல்வராஜை கைது செய்தனர்.
The post தீக்குளிக்க முயன்ற வாலிபர் கைது appeared first on Dinakaran.
