சேலம், டிச.20: சேலம் தாதகாப்பட்டி திருஞானம்தெருவை சேர்ந்தவர் ராஜன் மகன் சிம்சன் (24). இவர், கடந்த 16ம் தேதி இரவு தனது பைக்கை வீட்டின் முன் நிறுத்திவிட்டு, உள்ளே சென்றார். அடுத்தநாள் காலை வெளியே வந்து பார்த்தபோது, அவரது பைக்கை காணவில்லை. மர்மநபர்கள் திருடிச்சென்றிருப்பது தெரியவந்தது. இதுபற்றி அன்னதானப்பட்டி போலீசில் சிம்சன் புகார் கொடுத்தார். எஸ்ஐ வெற்றிசெல்வன் தலைமையிலான போலீசார் விசாரணை நடத்தினர். அதில், பைக் திருட்டில் ஈடுபட்டது, தாதகாப்பட்டி திருச்சி மெயின்ரோட்டை சேர்ந்த கிரண்குமார் (23), வள்ளுவர்நகரை சேர்ந்த சங்கர் (21) ஆகியோர் எனத்தெரியவந்தது. இதையடுத்து அவர்கள் இருவரையும் போலீசார் கைது செய்து, திருடப்பட்ட பைக்கை மீட்டனர். பின்னர், கைதான கிரண்குமார், சங்கரை சேலம் கோர்ட்டில் ஆஜர்படுத்தி, மத்திய சிறையில் அடைத்தனர்.
The post தாதகாப்பட்டியில் பைக் திருடிய 2 பேர் கைது appeared first on Dinakaran.
