சென்னை: விக்ரம் நடித்த துருவ நட்சத்திரம் படத்தை ஜூன் 15ம் தேதிக்குள் வெளியிட அனுமதி அளித்து ஐகோர்ட் உத்தரவிட்டுள்ளது. படத்தை வெளியிட ‘கொண்டாடுவோம் என்டர்டெயின்மெண்ட்’ நிறுவனத்திற்கு நீதிமன்றம் அனுமதி அளித்துள்ளது. ஜூன் 15ம் தேதிக்குள் படத்தை வெளியிட இயலவில்லை என்றால் கால நீட்டிப்புக் கோரி நீதிமன்றத்தை நாடவும் அனுமதிக்கப்பட்டுள்ளது. மனுதாரர்கள் புண்ணியமூர்த்தி, பிரேம்குமார் தொடர்ந்த வழக்கை ஜூன் 23ம் தேதிக்கு நீதிமன்றம் ஒத்திவைத்துள்ளது.