அகமதாபாத்: உலகக்கோப்பை டி20 தொடரின் ஏ பிரிவில் உள்ள இந்தியா, 3 போட்டிகளில் ஆடி 3லும் அபார வெற்றி பெற்று 6 புள்ளிகளுடன் சூப்பர் 8 சுற்றுக்கு முன்னேறியுள்ளது. இந்நிலையில், இந்திய அணி, அகமதாபாத்தில் இன்று நடக்கும் தனது கடைசி போட்டியில் நெதர்லாந்து அணியுடன் மோதுகிறது. இந்த போட்டியில் இந்தியாவுக்காக ஆடவுள்ள அதிரடி பேட்டர் அபிஷேக் சர்மா மீண்டும் ஃபார்முக்கு திரும்ப வேண்டும் என ரசிகர்கள் எதிர்பார்க்கின்றனர்.
அபிஷேக் சரிவர ஆடாத குறையை இஷான் கிஷண் பக்காவாக தீர்த்து வைத்து வருவது நம்பிக்கை அளிப்பதாக உள்ளது. இந்திய அணியுடன் மோதும் வகையில், நெதர்லாந்து அணி, தனது பேட்டர்களையும், பந்து வீச்சாளர்களையும் புதிய உத்வேகத்துடன் தயார்படுத்த வேண்டிய கட்டாயம் உள்ளது. இன்றைய போட்டியில் இரு அணிகளும் வெற்றி பெற தீவிரமாக முனைப்பு காட்டும் என்பதால் சுவாரசியத்துக்கு பஞ்சம் இருக்காது.
