மும்பை: உலகக்கோப்பை டி20 தொடரின் 33வது போட்டி, மும்பையில் நேற்று, சி பிரிவில் நடந்தது. அதில் ஸ்காட்லாந்து – நேபாளம் அணிகள் மோதின. டாஸ் வென்ற நேபாளம் பந்து வீச்சை தேர்வு செய்தது. அதையடுத்து களமிறங்கிய ஸ்காட்லாந்து அணியின் துவக்க வீரர்கள் ஜார்ஜ் முன்ஸீ, மைக்கேல் ஜோன்ஸ் அட்டகாசமாக ஆடி முதல் விக்கெட்டுக்கு 80 ரன்கள் சேர்த்த நிலையில், 27 ரன்னில் ஜார்ஜ் ஆட்டமிழந்தார்.
பின், மைக்கேல், பிராண்டன் மெக்கல்லன் இணை சேர்ந்து ரன் குவிப்பில் ஈடுபட்டனர். இந்த இணை 52 ரன்கள் சேர்த்த நிலையில், 45 பந்தில் 71 ரன்கள் விளாசியிருந்த மைக்கேல் ஆட்டமிழந்தார். அவரைத் தொடர்ந்து 25 ரன்னில் பிரான்டன் அவுட்டாகி வெளியேறினார். அடுத்து வந்த கேப்டன் ரிச்சி பெரிங்டன் 10, மேத்யு கிராஸ் 4, டாம் புரூஸ் 5, மைக்கேல் லீஸ்க் 4 ரன்கள் எடுத்து அடுத்தடுத்து பெவிலியன் திரும்பினர்.
20 ஓவர் முடிவில் ஸ்காட்லாந்து 7 விக்கெட் இழப்புக்கு 170 எடுத்திருந்தது. அதை தொடர்ந்து களம் இறங்கிய நேபாள அணி 19.2 ஓவர் முடிவில் 3 விக்கெட் இழப்பிற்கு 171 ரன்களை எடுத்தது. இதன் மூலம் 7 விக்கெட்டுகள் வித்தியாசத்தில் நேபாள அணி வெற்றிப் பெற்றறது.
