ஈரோடு, ஏப்.2: ஈரோடு மாவட்டம் பெருந்துறை பனிக்கம்பாளையம் பகுதியில் எஸ்எஸ்ஐ ராமச்சந்திரன் தலைமையிலான போலீசார் நேற்று ரோந்து சென்றார். அப்போது, அப்பகுதியில் சேவல்களை சண்டையிட வைத்து, ஜெயிக்குது, தோற்குது என சூதாட்டம் விளையாடி வருவதாக தகவல் வந்தது. இதன்பேரில், அங்கு சென்ற போலீசார் சேவல் சண்டை நடத்தி 4 பேரையும் சுற்றிவளைத்து பிடித்து விசாரணை நடத்தினர்.

இதில், பனிக்கம்பாளையத்தில் தங்கி கூலி வேலை செய்யும் மேற்கு வங்க மாநிலம் பர்கனாஸ் பகுதியை பிரசன்ஜிட் (36), அதே பகுதியை சேர்ந்த டாரக் (32), டாமி ராய் (30), சாஷாபிந்து (24) ஆகிய 4 பேர் என்பது தெரியவந்தது. இதையடுத்து 4 பேரையும் போலீசார் கைது செய்து, அவர்களிடம் இருந்து 2 சேவல், 2 சிறிய கத்தி, ரூ.4 ஆயிரம் ரொக்கம் ஆகியவற்றை பறிமுதல் செய்தனர்.

The post சேவல் சண்டை நடத்திய 4 பேர் கைது appeared first on Dinakaran.