காஞ்சிபுரம்: காஞ்சிபுரம் அருகே டாஸ்மாக் மதுபானக் கடையில் துளையிட்டு மதுபாட்டில்கள், பணத்தை கொள்ளையடித்து சென்ற மர்ம நபர்களை, போலீசார் தேடி வருகின்றனர். காஞ்சிபுரம் அடுத்த செவிலிமேடு பாலாறு அருகே அரசு டாஸ்மாக் மதுபான கடை உள்ளது. இந்தக் கடையில் நேற்று முன்தினம் இரவு வழக்கம்போல விற்பனையை முடித்துவிட்டு, விற்பனையாளர் மற்றும் சூப்பர்வைசர் ஆகியோர் வழக்கம்போல் கடையை பூட்டிவிட்டுச் சென்றனர்.

இந்நிலையில், நேற்று மீண்டும் கடை திறந்த பின்பு, மதுபான பெட்டிகள் உள்ள பகுதிக்கு சென்றபோது சுவற்றில் ஓட்டைப்போட்டு மதுபானங்கள் மற்றும் பணம் ஆகியவற்றை மர்ம நபர்கள் திருடியது தெரியவந்தது. இதனைக் கண்டு அதிர்ச்சி அடைந்த விற்பனையாளர் காஞ்சிபுரம் தாலுகா காவல் நிலையத்தில் புகார் அளித்தார்.அதன்பேரில், போலீசார் வழக்கு பதிந்து டாஸ்மாக் கடையில் மதுபானங்களை கொள்ளையடித்துச் சென்ற மர்ம நபர்களை வலைவீசி தேடி வருகின்றனர்.

The post டாஸ்மாக் கடையில் துளையிட்டு கொள்ளை: மர்ம நபர்களுக்கு போலீஸ் வலை appeared first on Dinakaran.