கந்தர்வகோட்டை,டிச.3: கந்தர்வகோட்டை அருகே மோட்டார் சைக்கிள் மீது கார் மோதிய விபத்தில் இரண்டு வாலிபர்கள் படுகாயம் அடைந்தனர். கந்தர்வகோட்டை ஒன்றியம், பழைய கந்தர்வகோட்டை கிராமத்தைச் சேர்ந்த கருணாநிதி மகன் கவியரசன் (20), முள்ளூர் ரத்தினவேல் மகன் மணிகண்டன் (25), இரண்டு பேரும் தனியார் நிதி நிறுவனத்தில் வேலை பார்த்து வருகிறார்கள். இவர்கள் வேலை விஷயமாக காலை தஞ்சாவூரிலிருந்து இருவரும் ஒரு மோட்டார் சைக்கிளில் தஞ்சாவூர், புதுக்கோட்டை தேசிய நெடுஞ்சாலையில் பழைய கந்தர்வகோட்டை பேருந்து நிலையம் அருகே வந்து கொண்டிருந்தனர். அப்போது புதுக்கோட்டையிலிருந்து தஞ்சை சென்ற சொகுசு கார் எதிர்பாராத விதமாக மோட்டார் சைக்கிள் மீது மோதியது. இதில் தூக்கி வீசப்பட்ட 2 பேரும், படுகாயம் அடைந்தனர். அவர்கள் 108 ஆம்புலஸ் மூலம் தஞ்சாவூர் மருத்துவக் கல்லூரி மருத்துவமனைக்கு சிகிச்சைக்கு அனுப்பி வைத்தனர். இந்த விபத்து குறித்து கந்தர்வகோட்டை போலீசார் வழக்கு பதிந்து விசாரணை செய்து வருகின்றனர்.

The post கந்தர்வகோட்டை அருகே பைக் மீது கார் மோதிய 2 பேர் படுகாயம் appeared first on Dinakaran.