கோபி, டிச.4: கோபி அருகே உள்ள வினோபா நகர் மடுவுபள்ளத்தில் குன்றி மலை கிராமத்தை சேர்ந்தவரின் சடலத்தை கைப்பற்றி பங்களாபுதூர் போலீசார் விசாரணை நடத்தி வருகின்றனர். கோபி அருகே உள்ள கொங்கர்பாளையம் ஊராட்சிக்குட்பட்ட வினோபாநகர் கருப்புசாமி கோயில் மடுவு பள்ளம் என்ற இடத்தில் அடையாளம் தெரியாத ஆண் சடலம் கிடப்பதாக பங்களாபுதூர் போலீசாருக்கு தகவல் கிடைத்தது.

அதைத்தொடர்ந்து போலீசார் அங்கு சென்று சுமார் 40 வயது மதிக்கத்தக்க ஆண் சடலத்தை கைப்பற்றி விசாரணை நடத்தினர்.  இந்த விசாரணையில் உயிரிழந்தவர் கடம்பூர் அருகே உள்ள குன்றி மலை கிராமத்தை சேர்ந்த ஊராளியான பெருமாள் மகன் மாதன் (40) என்பது தெரிய வந்தது. இதைத்தொடர்ந்து, மாதனின் சடலத்தை கைப்பற்றிய போலீசார் இறப்பிற்கான காரணம் குறித்து விசாரணை நடத்தி வருகின்றனர்.

The post வாலிபர் மர்மச்சாவு குறித்து போலீஸ் விசாரணை appeared first on Dinakaran.