சென்னை: மு.க.ஸ்டாலின் முன்னிலையில் அதிமுக முன்னாள் எம்எல்ஏ வி.என்.பி.வெங்கட்ராமன் திமுகவில் இணைந்தார். திமுக தலைவர் மு.க.ஸ்டாலின் முன்னிலையில் நேற்று சென்னை அண்ணா அறிவாலயத்தில் உள்ள திமுக அலுவலகத்தில், அதிமுக கொள்கை பரப்பு துணைச் செயலாளரும், முன்னாள் எம்எல்ஏவுமான வி.என்.பி.வெங்கட்ராமன், தலைமையில் அதிமுகவைச் சேர்ந்த ஒருங்கிணைந்த காஞ்சிபுரம் மாவட்ட முன்னாள் பொருளாளர் என்.தனசேகரன், ஆலந்தூர் கிழக்கு பகுதி வர்த்தகர் அணி செயலாளர் கே.இளங்கோ, மாவட்ட மாணவர் அணி துணைச்செயலாளர் டி.ஜெயபிரதாப், ஆலந்தூர் கிழக்கு பகுதி எம்ஜிஆர் மன்ற செயலாளர் மொசைக் பாபு, ஆடிட்டர் பி.குமரகுரு, பரந்தாமன், எஸ்.கோமதி நாயகம் ஆகியோர் தி.மு.க.வில் இணைந்தனர்.

அப்போது திமுக துணைப் பொதுச் செயலாளர் க.பொன்முடி, அமைப்புச் செயலாளர் ஆர்.எஸ்.பாரதி, தலைமைக் கழக செய்தி தொடர்பு தலைவர் டி.கே.எஸ்.இளங்கோவன், இணை அமைப்புச் செயலாளர் அன்பகம் கலை, துணை அமைப்புச் செயலாளர் எஸ்.ஆஸ்டின் எம்.எல்.ஏ., காஞ்சிபுரம் வடக்கு மாவட்டச் செயலாளர் தா.மோ.அன்பரசன், தூத்துக்குடி தெற்கு மாவட்ட செயலாளர் அனிதா ஆர்.ராதாகிருஷ்ணன் எம்.எல்.ஏ ஆகியோர் உடனிருந்தனர்.