தர்மபுரி : தர்மபுரி மாவட்ட விளையாட்டு மேம்பாட்டு ஆணையம் சார்பில், இருப்பிடமில்லா கோடைகால பயிற்சி முகாம் மாவட்ட விளையாட்டரங்கில் தொடங்கியது. முகாமை மாவட்ட ஸ்கேட்டிங் சங்க செயலாளர் சீனிவாசன் தொடங்கி வைத்தார்.

கோடைகால பயிற்சி முகாம் தடகளம், வாலிபால், கபாடி, இறகுபந்து, கால்பந்து. ஜிம்னாஸ்டிக்ஸ், ஸ்கேட்டிங், சிலம்பம் ஆகிய விளையாட்டுக்களில் நடத்தப்படுகிறது.

பயிற்சி முகாமில் 300க்கும் மேற்பட்ட மாணவ, மாணவிகள் கலந்து கொண்டனர். முகாம் தொடக்க விழாவில் மாவட்ட விளையாட்டு மற்றும் இளைஞர் நலன் அலுவலர், தமிழ்நாடு விளையாட்டு மேம்பாட்டு ஆணைய பயிற்றுநர்கள், ஸ்கேட்டிங், சிலம்பம் மற்றும் ஜிம்னாஸ்டிக்ஸ் பயிற்றுநர்கள் கலந்து கொண்டனர். இந்த கோடைகால பயிற்சி முகாம் வரும் மே 1ம் தேதி வரை நடக்கும் என்று அதிகாரிகள் தெரிவித்தனர்.