கோவை: கடந்த சில நாட்களுக்கு முன் தேர்தல் பரப்புரையில் ஈடுபட்ட கோபி தொகுதி தவெக வேட்பாளரும், நிர்வாக குழு தலைமை ஒருங்கிணைப்பாளருமான கே.ஏ.செங்கோட்டையன் பேசும்போது, குழந்தைகளுக்கு சளி பிடித்து இருந்தால் விசிலை ஊதினால் சரியாகி விடும் என்றும், வயதானவர்களுக்கு மூச்சு பயிற்சி வேண்டும் என்பார்கள். நல்ல பெரிய விசிலை கொடுத்து ஊத சொன்னால் ஹார்ட் நன்றாக பம்பிங் ஆகும் என்றும் பேசி இருந்தார். இதற்காக வலைதளங்களில் செங்கோட்டையனை வறுத்து எடுத்து வருகின்றனர்.

மீம்ஸ் கிரியேட்டிரில் இருந்து சாதாரண வலைதள பயன்பாட்டாளர் வரை செங்கோட்டையனை டாக்டர் போன்று ஏஐ மூலமாக படங்களை உருவாக்கியும், திரைப்பட காமெடி காட்சிகளை வைத்தும் வறுத்து எடுத்து வருகின்றனர். அதிலும் குறிப்பாக நோயாளி ஒருவர் டாக்டராக உள்ள கே.ஏ.செங்கோட்டையனை சந்திப்பது போன்ற மீம்ஸ் வைரலாகி வருகிறது.

பேஷண்ட்: டாக்டர்! ரெண்டு நாளா நெஞ்சிலே சளி, கபம் கட்டியிருக்கு. இருமல் வேற. சீக்கிரம் குணமாக மருந்து கொடுங்க.
டாக்டர் செங்ஸ்: பிரிஸ்கிரிப்ஷன் எழுதி தர்ரேன். விசில் வாங்கி காலையிலே சாப்பாட்டுக்கு முன் 2 தடவை விசில் ஊதுங்க. மதியம் 2 தடவை சாப்பாட்டுக்குப் பின் ஊதுங்க, அப்புறம் தூங்குறதுக்கு முன்பு 10 தடவை நல்லா மூச்சை இழுத்து இழுத்து ஊதணும் என்ற காமெடி வைரலாகி வருகிறது.