உத்ரா புரொடக்ஷன்ஸ் அண்ட் டிஜே இண்டர்நேஷனல் தயாரிப்பில் செ.ஹரி உத்ரா எழுதி இயக்கி தயாரிக்கும் படம், ‘மாஸ்டர் பிளான்’. இது ‘கோலமாவு கோகிலா’, ‘டாக்டர்’, ‘டூரிஸ்ட் ஃபேமிலி’ போன்ற படங்களை போல், அனைவரும் பார்த்து ரசிக்கும் வகையில், கலகலப்பான பிளாக் ஹியூமர் கலந்த படமாக, அரசியல் பின்னணியில் உருவாகிறது. அரசியலை சேர்ந்தவர்களால் ஏற்படும் பிரச்னையில் ஹீரோ, ஹீரோயின் குடும்பம் சிக்கிக்கொள்வதும், அந்த குடும்பம் வில்லன்களிடம் இருந்து எவ்வாறு மீண்டு வருகிறது என்பதையும் படம் சொல்கிறது.
தருண் விஜய், சாயாதேவி, திவ்யா ஜெகத், அப்புக்குட்டி, கூல் சுரேஷ், சென்ராயன், வினோத் சாகர், அருண் மைக்கேல் டேனியல், சம்பத் ராம், சாய் தீனா, ‘பருத்திவீரன்’ சரவணன், ஜார்ஜ் மரியன் நடிக்கின்றனர். அடுத்த மாதம் முதல் விழுப்புரம், செஞ்சி, தேனி, மதுரை, திண்டுக்கல் ஆகிய பகுதிகளில் படப்பிடிப்பு நடக்கிறது. அபி ஆத்விக் ஒளிப்பதிவு செய்ய, ஏ.ேஜ.அலி மிர்சாக் இசை அமைக்கிறார்.
பிரசாந்த் எடிட்டிங் செய்கிறார். மனோவ் செல்வராஜ், தனகோபால், எம்.விஸ்வநாதன், கே.சேட்டு நிர்வாக தயாரிப்பு பொறுப்பேற்றுள்ளனர். பாலகங்காதரன், திவ்யா ஜகத் இணை தயாரிப்பு செய்கின்றனர்.
