வாணி ஜெயராம் நினைவாக இசைத் தொகுப்பு ரிலீஸ்

சென்னை: காலத்தைத் தாண்டி நம்முடன் பயணிக்கும் சில குரல்கள் உண்டு. அவை நம்முள் ஒரு தாக்கத்தை மட்டும் உருவாக்குவது அல்ல, வாழ்நாள் துணையாகவே மாறிவிடும். வாணி ஜெயராமின் குரல் அப்படிப்பட்ட ஒரு அரிய பொக்கிஷம். அவரின் மறைவின் மூன்றாம் ஆண்டு நினைவாக, விஸ்வராகம் பாகம் 2 இசைத்தொகுப்பு நினைவஞ்சலியாக அவருக்கு சமர்ப்பிக்கப்படுகிறது. கருத்தாக்கம், எழுத்து, தயாரிப்பு ஆகிய அனைத்தையும் சுமதி ராம் வடிவமைத்துள்ளார். இந்தத் தொகுப்பில், வாணி ஜெயராமின் பாடல்களை எஸ்.பி. பாலசுப்பிரமணியமின் குரலில் முன்பே பதிவு ெசய்துள்ளனர். இது அவரது பாடல், இசைக்கு மேலும் ஆழத்தையும் நிறைவையும் சேர்க்கிறது. இந்த முழு இசை அனுபவமும் எம்.எஸ்.விஸ்வநாதனின் கைத்தேர்ந்த இசையமைப்பின் மூலம் நடந்துள்ளது. விஸ்வராகம் பாகம் 2, ஹைக்கூ பாணியில் அமைந்த இசை வடிவங்களாக அமைந்துள்ளது. இந்த இசை தொகுப்பு தற்போது யூடியூப், ஸ்பாட்டிஃபை மற்றும் டீசெர் தளங்களில் கிடைக்கிறது.